Yibbaatoo 31:13 - Kafa Linguistics Project

¹³ Ebina hini sheeroon waayeyaani ne shiijjereenaꞌo waayemminaꞌone. Yoordaanoosin kimiree ittoshi hajjemmi showooch boonoshi beeyemmi yemeeno bullin ne Nuggishoo Doono Yeerin shaton doyemminaꞌone” iye.

Yibbaatoo 31:13 ပူးပေါင်းရင်းမြစ်များ

Shaahiyoo 22:6

Bushoyich bi hammemmi boochoon dojjibe; bi geenehooboo aroochee ikaachemmone.

Leweenaꞌo 23:43

Ebina Israꞌeeleenaꞌon Gibitsee kichaa ta deebiyooba, bashooch boonoshi kotemmoyich ta tuniyoon ittoshi shiijjereenaꞌo ariyemminaꞌone. Ta, ittoshi Nuggishoo Doono Yeeri taane’ itone gete” iye.

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Efesooni 6:4

Niheenaꞌote, Doono Yesuusina ciici dojjibee sheeriree dichibotalli, ittoshi bushiisheenaꞌo ippemmoyich tuniyaahote.

Yibbaatoo 11:2

Ittoshi Nuggishoo Doono Yeeri biinna tookkii ittoshi tunoona ittoshich bi dojjiton eke and shalligibote. Ebi mooyon beeggiꞌi doyito ittoshi qelloona ittoshiyani, ittoshi bushiisheenaꞌo tooneenaꞌone. Gibitsaa worganikkiti malletoon tuniyoona Gibitsee taatoo Farooninaa bi showoo bullina oogeton xuuxemmoyich bi tuniihooba, Doono Yeeri bi oogoon, kupphe bi kishoonaa giidechi bi mochoonon bi bekkiitaa, beeggito ittoshine.

Yibbaatoo 31:12

Waayeree ittoshi Nuggishoo Doono Yeerin shaton boonoshi doyemmoyich, hini sheeree qaaroon ceechiree boonoshi quyemmoyich, asheenaꞌon, ebiyoo anaamon, maacheen, bushiisheenaꞌonaa ne beeti katemooch koteti shiqqoonon ceegi kicibe.

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.