Yibbaatoo 31:12 - Kafa Linguistics Project

¹² Waayeree ittoshi Nuggishoo Doono Yeerin shaton boonoshi doyemmoyich, hini sheeree qaaroon ceechiree boonoshi quyemmoyich, asheenaꞌon, ebiyoo anaamon, maacheen, bushiisheenaꞌonaa ne beeti katemooch koteti shiqqoonon ceegi kicibe.

Yibbaatoo 31:12 ပူးပေါင်းရင်းမြစ်များ

Iziri 10:1

Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

Leweenaꞌo 9:5

Asheenaꞌoo Muusi boonoshich gettito bullin danee duukkaanee kellooch deebiyeete. Boonoshi bulliyoo giddeꞌi Doono Yeeri aafooch neexeheete.

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Yibbaatoo 29:9

Ebich ittoshi tuniibeeti mooyo bulli ittoshich bi kaamemmoyich, hini wogeeti wogoon manjii quyebote.

Yibbaatoo 31:13

Ebina hini sheeroon waayeyaani ne shiijjereenaꞌo waayemminaꞌone. Yoordaanoosin kimiree ittoshi hajjemmi showooch boonoshi beeyemmi yemeeno bullin ne Nuggishoo Doono Yeerin shaton doyemminaꞌone” iye.

Yaasi 8:33

Ebi tunee beetaa, Israꞌeeleenaꞌo bulli, geeneenaꞌo, iraasheenaꞌo, nallechinaꞌoo, wotta shiqqeenaꞌo, Doono Yeerichi wogee taabootoon shaaggiti, Lewi yoodee qeesheenaꞌo waan boonoshi aafoon wochiꞌi taabootee qanninaa yoochinooch neexee beeheete. Eboshi daggoochee qatinaꞌo Gerizimi guudi ciinooch, qatinaꞌoo Ebaali guudi ciinooch neexetinaꞌone. Ebin boonoshi tuniito, Doono Yeeri guuno Muusi Israꞌeeleenaꞌo diireyemmoyich, shiichii bi gettitoommoniye.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.