Yibbaatoo 30:7 - Kafa Linguistics Project

⁷ Ne Nuggishoo Doono Yeeri ebi ufo bullin ne etteenaꞌonaa neen shixxii, duꞌii beetinaꞌonochi toommooch tuniyemmone.

Yibbaatoo 30:7 ပူးပေါင်းရင်းမြစ်များ

Keyo 23:22

Bi gettii beeton manjii ne ellegaata, neech ta gettaabeeto bullin ne tuniigaatoo, ne etteenaꞌon kochemmo taane; neenna koyee beetinaꞌona koyemmo taane.

Isiyaasi 10:12

Doono, Tsiyooni guudonaa Yerusaaleminochi toommooch tuniiya bi gabito bullin tunii bi ciichitoyee gubb, Asooree taatoon bi mullee geecoonaa cunnennoonoyich naxemmone.

Erimiyaasi 25:29

Gonde mooyon shiichi ta shigoona ceekketi katemooch tuniyemmo taane; ishigaata naxoochee echehote? Showee toommooch beetinaꞌo bulli toommooch goraadoon deebemmo ta tunetoyich, naxeyaanoon echeyaachemmo ittoshine’ iye Beshe Mawe Doono Yeeri.

Erimiyaasi 30:16

“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.

Hiziqeeli 25:12

“Nuggishoo Doono Yeeri ishichiye: ‘Edoomi Yihudee macceenaꞌochi toommooch nichoon bi gaaccitoyich, ebina xuꞌechon tunetone.

Hiziqeeli 25:15

“Nuggishoo Doono Yeeri ishichiye: ‘Filsixeemeenaꞌo mullooch mooyon yeshona Yihudee macceenaꞌochi toommooch nichoon boonoshi gaaccitoyich, bulli aaboon ettoon tuneꞌi aalliyoyich boonoshi qaawitoyich,

Hiziqeeli 25:3

Amooneenaꞌoyich, Nuggishoo Doono Yeerichi qaaroon waayebote: Nuggishoo Doono Yeeri ishichiye: ‘Ta yaafee kexo eeꞌehooba, Israꞌeelee showoo shokkoon echehooba, Yihudee macceenaꞌo kecaa hamiyooba, usha ittoshi itoyich,

Hiziqeeli 25:6

“Ebich Nuggishoo Doono Yeeri ishichiye: ‘Ittoshi kishoona koppee, ittoshi baatoona capphii Israꞌeelee dihoona emiriibee boonoshin qallayito ittoshine.

Hiziqeeli 25:8

“Nuggishoo Doono Yeeri ishichiye: ‘Moꞌabeenaꞌonaa Seyireenaꞌona, “Yihudee macceenaꞌo bare aageteenaꞌoomminaꞌone” itinaꞌone.

Amootsi 1:11

Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.

Amootsi 1:13

Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye.

Amootsi 1:3

Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye.

Amootsi 1:6

Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye.

Amootsi 1:9

Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.

Abidiyi 1:10

“Ne manoo Yaaqobichi shiijjereenaꞌon ne xuqqetoyich, oogichi yeellemmo neene; bulli yemeenoonoo aallemmo neene.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Yibbaatoo 30:8

Newoo wochinnoon Doono Yeerichi qaaroon waayemmo neene; hanaach ta gettaabeeti getoonoo ceechi quyemmo neene.

Yibbaatoo 7:15

Doono Yeeri biiyo bulliichee neen quyemmone; Gibits beechaa ne ariibeeti, shattii giiriiti biiyeenaꞌon neen shixxii beetinaꞌo toommoochani, ne toommooch deebaachemmone.