Yibbaatoo 30:3 - Kafa Linguistics Project

³ ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 30:3 ပူးပေါင်းရင်းမြစ်များ

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

1 Kiinoo 16:35

Biichoo ishichibote: “Noon wodiyechi no Nuggishoocho, noon wodiibe; neen no galletemmoyich, yaafe ne shigoon no oogiyemmoyich, aageteenaꞌo daggoochee noon shiweree, ikkooch noon kicibe” getote.

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Shoddo 147:2

Doono Yeeri Yerusaalemin wochii shuunehe; kecceti Israꞌeeleenaꞌon wochii deebiye.

Isiyaasi 27:12

Arooba, goyecho teepphoon kalloochee bi bariiyoommon, Doono Yeeri Efiraaxisi aacoochee tiijjii Gibitsee showee danooch beddaahaa beeti bi asheenaꞌo tuneti Israꞌeeleenaꞌon boonoshi ikkikkoona kicemmone.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Erimiyaasi 12:14

Doono Yeeri ishichiye: “Ta maccoo tuneti Israꞌeeleenaꞌoyich ta immeti showoon yechiibeeti boonoshi gonde giyeenaꞌo bullin boonoshi showoochee waaxxemmo taane; Yihudee kechi asheenaꞌonoo boonoshi daggoochee shiwemmo taane.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 31:10

“Aageteenaꞌote, Doono Yeerichi qaaroon waayebote; wohooch beeti baharee gashoonaa buure showeenaꞌonoyichoo ‘Israꞌeeleenaꞌon shaccito wochi kicemmone; qiddeenaꞌo boonoshi gijjoon boonoshi qiddoommon boonoshin qiddemmone’ getote.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Shoosho 3:32

bi ayinikkiteenona beshaa beshe bi shoodoona ariqqemmone.

Hiziqeeli 11:17

“ ‘Ebichoo Nuggishoo Doono Yeeri ishichitone: Aageteenaꞌo daggoochee, shaceꞌi ittoshi beeti showoo bulliichee ittoshin kicemmo taane; Israꞌeelee showoonoo ittoshich immemmo taane itone’ gete.

Hiziqeeli 36:24

“Aageteenaꞌo daggoochee ittoshin kichemmo taane; showoo bulliichee ittoshin kicemmo taane; ittoshi hajjee showoochoo ittoshin deebemmo taane.

Hiziqeeli 39:28

Kecaa aageteenaꞌo showooch boonoshi hammemmoyich ta tuniitaanona, koninolla arooch echiyaanoon kecoochee boono hajjee showooch wochii deebeto, boonoshi Nuggishoo Doono Yeeri ta tunoon ariyemminaꞌone.

Mikiyaasi 7:19

Wochinnoon nooch ariqqehine; no xuꞌoon ne baatee dechiich neexxehine; no axaaxoonoo baharee dechi duchooch duppehine.

Zakaariyaasi 10:9

Aageteenaꞌo daggooch boonoshin ta shaccetaanona wohi showooch beechi taan shalligemminaꞌone. Boonoshi bushiisheenaꞌona tookki kashoona beeree, boonoshi showooch wottemminaꞌone.

Roomi 11:23

Are Ayihudeenaꞌo wotta mulloon Yeeri toommooch tooꞌiyaache getoochee boonoshi wottegaata, Yeeri wochiree boonoshin zayitee michi atee daggooch giijjemmone; ebiyoo Yeeri wochinnoon giijjoon hakkemmo bi tunetoyichiye.

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

Roomi 11:31

Illa ittoshi maaroon danetoommi gommona boonoshiyoo maaroon danemmoyich, eboshi wotta and Yeerich deꞌa getaaneenaꞌo tunetinaꞌone.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.