Yibbaatoo 30:19 - Kafa Linguistics Project

¹⁹ “Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 30:19 ပူးပေါင်းရင်းမြစ်များ

Halloo 2:17

tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.

Shoddo 119:111

Ne qociyoo bulli yemeenoon ta hajjoone; ta mulloo ebina emiriye.

Shoddo 119:173

Ne geteenaꞌon ta kaaccetoyich, ne mochoona taan gaachebe.

Shoddo 119:30

Iberee gommon kaacceto taane; ta mulloon ne sheeroo waan wochito taane.

Shaahiyoo 1:29

Ariyoon boonoshi shixxitoyich, Doono Yeerin shaton boonoshi qajjitoyich,

Shaahiyoo 12:28

Cadiqittinee gommooch kasho beetone; are gommooch qitoo aalloone.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Shaahiyoo 9:11

Taanna ne eeno genjemmone; natinaꞌo ne eenooch daakkeyemminaꞌone.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 56:4

Doono Yeeri ishichiye: “Ta shambetoon oogiibeeti, taan emirikkiibeeti mooyon tuniibeeti, ta wogoonoo ceechiibeeti guruusheenaꞌoyich,

Erimiyaasi 21:8

Andoo asheenaꞌoyich ishichi ta gettemmoyich gettiye: “Doono Yeeri ta, ittoshi aafooch kashee gommonaa qitee gommonon qanniito taane.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 42:21

Tawoo hanaach ebin ittoshich getteto taane; tunebaani ittoshi, ittoshich ta gettemmoyich taan bi deejjiti amee mooyonona ittoshi Nuggishoo Doono Yeerich deꞌa getaano ittoshine.

Hiziqeeli 20:11

Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho.

Luqaasi 10:42

Tunebaani qaaweeto ikke mooyo baachiye; Maariyamiyoo are gaaweti mooyon yechetine; biichoo bacheyaache” iye.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Yibbaatoo 11:26

“Illa ebiyoche, hanaach diiroonaa ufonon ittoshi aafooch tuniito taane.

Yibbaatoo 30:1

Muusi Israꞌeeleenaꞌoyich ishichiye: “Illa and diiroonaa ufonon, ebi gutte mooyon ne aafooch kotiito taane. Ebi mooyo bulli ne toommooch shagaa, ne Nuggishoo Doono Yeeri neen shacciti aageteenaꞌo daggooch beebee, ebi mooyon shalligemmo neene.

Yibbaatoo 30:15

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Yibbaatoo 30:16

Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.

Yibbaatoo 31:28

Ebi mooyon boonoshich ta gettemmoyich, wotta showoonaa shimaayoonon miixoo tuniiree boonoshi toommooch ta ceeggemmoyich, ittoshi yoodi yoodee geeneenaꞌonaa iraasheenaꞌonon ta waan kicibote.

Yibbaatoo 32:1

“Shimaayoocho, elle waayebe. Tawoo gettemmo taane; showoo ta noonoochee kechiibeeti qaaroon waayebe.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:25

“Bushiishoonaa bushaa bushoonon ittoshi shiyihooba, are showoochoo meeti naton ittoshi kotehooba, shahalloon amee shaahoonona shuunoona axaaxoon shuuneyaahote. Ebi ittoshi Nuggishoo Doono Yeeri shunaani mooyo bi tunetoyich, bi kaaremmoyich tuniyemmone.

Yibbaatoo 4:26

Ittoshi toommooch boonoshi miixemmoyich shimaayoonaa showoonon hanaach ceeggaabeeto taane; ebin deꞌa getaache ittoshi getigaata, Yoordaanoosin kimi hamiree ittoshi hajjemmi showoochee kaateree aallemmo ittoshine; arooch meeti yemeenoon koteyaachemmo ittoshine; ciroona aallemmo ittoshine.

Yibbaatoo 4:6

Ebi ittoshich ta dojjiton manjiiꞌi ittoshi quyegaata, oogeti shalligechi asho ittoshi tunoon aagetee asheenaꞌoyich bekkiyemmo ittoshine. Ebi qociyoon boonoshi waayegaata, ‘Iberoon meetonaa arichetona tuneti ebi asheenaꞌo shalligechinaꞌonaa yiiteenaꞌona tuneti asheenaꞌone’ gettemminaꞌone.

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

1 Ximootiyoosi 5:21

“Hini ta getteti mooyinaꞌo daggoochee ikke mooyonona ikke badd dabiyaanoon, tachi nallibee quyebe” iyaꞌa Yeeri aafoochaa, Doono Kiristoos Yesuusinaa Yeeri kaacciti maraakeenaꞌonochi aafoochaanoo hini mooyon neech adereto taane.