Yibbaatoo 30:16 - Kafa Linguistics Project

¹⁶ Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Yibbaatoo 30:16 ပူးပေါင်းရင်းမြစ်များ

1 Taateenaꞌo 3:3

Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

Shaahiyoo 3:1

Ta bushoocho, ta dojjaa beeton batteyaahine; ta geteenaꞌon ne mullooch yeshe.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

1 Qorontoosi 7:19

Yeerichi getoon ceechoani besho, dokireyoo woyee dokireyee qayo bi hallemmi mooyo aalloone.

Yibbaatoo 30:17

“Tunebaani ne mullo bara wottegaata, biich deꞌa gettemmon ne qayigaata, bare nuggisheenaꞌoyich goyinne maddeya ne gaꞌegaata,

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Yibbaatoo 32:47

Ebi qaaro ittoshich kashoon immiibeeti qaaroani, duube qaaro toonoone. Ebi aroon quyoona Yoordaanoosin kimi hamiree ittoshi woraashemmi showooch meeti yemeenoon kotemmo ittoshine” iye.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

Yaasi 23:11

Ebich ittoshi Nuggishoo Doono Yeerin shunniibeeto ittoshi tunoon manjiiree ariibote.