Yibbaatoo 3:24 - Kafa Linguistics Project

²⁴ ‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yibbaatoo 3:24 ပူးပေါင်းရင်းမြစ်များ

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Taateenaꞌo 8:42

wohi showoochee bi waato, ooge ne shigoon, kupphe ne kishoonaa giidechi ne mochoona ne tuniiti mooyon waayeꞌi bi tunetoyich, waaꞌi, hini kexo waan bi aafoon wochiichii, bi corootigaata,

2 Kiinoo 6:14

ishichiye: “Israꞌeelee Nuggishoo Doono Yeero, shimaayooch tuneba showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Shoddo 106:2

Doono Yeerichi ooge shuunoon koni hakki getteehe? Bedoona biin galletoon hakkemmo konine?

Shoddo 145:3

Doono Yeeri oogoone; biin oogichii galleto tatoone; bi oogittino shalligoyee damboone.

Shoddo 145:6

Worganeeti ne shuunee giidoo awaajjeyemmone; tawoo oogoo ne tunoon awaajjemmo taane.

Shoddo 150:2

Giidechi bi shuunoyich biin galletebote; bi oogee woddoommona biin galletebote.

Shoddo 35:10

Ta ashittino bulli neech ishichemmone: “Doono Yeero, hakka guutoon, biyee beshe kuppho waanee, hakka guutoonaa girechonon neexxii hajjiibeeto waanee, wodiibeeto, neenoommo konine?” gettemmone.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Shoddo 86:8

Ta Doonocho, nuggisheenaꞌo daggooch neenoommi nuggishoo aalloone; ne tuniitoommon tuniito, koniyoona aalloone.

Shoddo 89:6

Shimaayooch Doono Yeerin shaahemmo konine? Shimaayeexi halleenaꞌo daggooch Doono Yeerina tatemmo konine?

Shoddo 89:8

Beshe Mawe Nuggishoo Doono Yeero, neenoommi hakkecho konine? Doono Yeero, ne bulli mooyona gibeneeto neene.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 9:14

Ebi tuno qayigaata, neennaa ne iraasheenaꞌonochi toommooch, wotta ne asheenaꞌo toommoochoo ta naxo bullin daakkiree kindiyemmo taane; ebiyoo showee toommo bulliich taanoommo koniyoona aallo bi tunoon ne ariyemmoyichiye.

Isiyaasi 40:18

Yeerin ittoshi tachiya ii beeto konina tookkiiniye? Konina tookkishoo shaahiiyehote?

Isiyaasi 40:25

“Ishigaata taan, konina tookkii toyiihote? Konina tookkii tachiyote?” iye Yaafoo tuneti Yeeri.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Daaneeli 3:29

“Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.

Haddoo 23:23

Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Yibbaatoo 11:2

Ittoshi Nuggishoo Doono Yeeri biinna tookkii ittoshi tunoona ittoshich bi dojjiton eke and shalligibote. Ebi mooyon beeggiꞌi doyito ittoshi qelloona ittoshiyani, ittoshi bushiisheenaꞌo tooneenaꞌone. Gibitsaa worganikkiti malletoon tuniyoona Gibitsee taatoo Farooninaa bi showoo bullina oogeton xuuxemmoyich bi tuniihooba, Doono Yeeri bi oogoon, kupphe bi kishoonaa giidechi bi mochoonon bi bekkiitaa, beeggito ittoshine.

Yibbaatoo 3:23

“Ebi arooba Doono Yeer waan ishichaa kupphii corootiyo:

Yibbaatoo 32:3

“Doono Yeerichi shigoon awaajjemmo taane. No Nuggishoyich oogoon imbote.