Yibbaatoo 3:12 - Kafa Linguistics Project

¹² Muusiyoo Israꞌeeleenaꞌoyich ishichiye: “Arooba ebi are Yoordaanoosi aacoochaa aabi-keyo waan beeti showoon no yechetoyee gubb, Arinooni bambee gaꞌooch, Aroꞌeeri katemoochaa dambi-waan beeti showoon, wotta geppechi Gilaadee showee qaton bi daggooch beeti katemeenaꞌona tookkaa Roobeelinaa Gaadinochi yoodeenaꞌoyich immehoye.

Yibbaatoo 3:12 ပူးပေါင်းရင်းမြစ်များ

2 Taateenaꞌo 10:33

Yoordaanoosi aacochaa aabi-keyo waan beeti Gilaadee showoo bullin Arinooni bambee gaꞌooch beeti Aroꞌeeri katemoochee tiijjiꞌi, Gaadichi showoon, Roobeelichi showoonaa Minaasichi showoonon bulla kochii yechiye. Ebiyoo Gilaadee showoonaa Bashaanee showoonane.

Haddoo 32:40

Ebina Muusi Gilaadee showoon Minaasi bushoo Makirichi asheenaꞌoyich immiye. Biyoo arooch kotehe.

Yibbaatoo 2:36

Arinooni bambee daarooch beeti Aroꞌeeri katemoonaa bambee daggooch beeti katemoonoochee tiijjiꞌi Gilaadee showooch beddaahaa beeti xaqqee uxerechi katemeenaꞌoochee noon mawito ciroona aalloone. No Nuggishoo Doono Yeeri bullin no kishooch beshiiꞌi immiye.

Yibbaatoo 29:7

“Hini xaaꞌooch no waahooba, Heshiboni taatoo Sihooninaa Bashaanee taatoo Oogina noon kocha waaheete. Tunebaani no boonoshin kochaa wochiyone.

Yibbaatoo 29:8

Boonoshi showoon yechaꞌa Roobeelinaa Gaadinochi yoodeenaꞌoyich, Minaasi yoodoochee qatinaꞌoyichoo iristo tuniiꞌa immehone.

Yibbaatoo 3:13

Echeti Gilaadee showoonaa Bashaanee showoo bullinon Minaasi yoodoochee qatinaꞌoyich immo. Bashaanee showoo, taatoo Oogichi showoone. Bashaanee showooch beeti Arigobee showoo Refayeenaꞌo Showoo getaa ceekkeebee echetone.

Yibbaatoo 4:48

Ebi showoo beeto, Arinooni bambee gocooch beeti Aroꞌeeri katemoochee tiijjiꞌi Siriyooni guudooch, ebi geto Hermooni guudooch, beddaahaane.