Yibbaatoo 3:11 - Kafa Linguistics Project

¹¹ Refayeenaꞌo daggoochee echeto, Bashaanee taatoo Oogi ikkeeto baachiye. Xuuroochee shuuneeti bi qeechi neexo yiixiye hiroo, bi gidoo wotta awudde hiroone. Ebiyoo and beddaahaa Amooneenaꞌochi katemoo tuneti Raaba beetone.

Yibbaatoo 3:11 ပူးပေါင်းရင်းမြစ်များ

Halloo 14:5

Aaraa awuddinnee natooba, taatoo Kedorilamerinaa biinna tookkii ikkotteti taateenaꞌona hammiibee, Ashiteroot Qarinayimi katemooch beeti Refayeenaꞌon, Kaamee showooch beeti Zuzeenaꞌonaa Shaweeh Qiriyatayimi bakkooch beeti Eemeenaꞌonon kochii wochiyeete.

Halloo 6:15

Ebi markabee gidoo keejje balle hiroo, bi maaco aache hiroo, bi neexoo shaashe hiroo tunebe.

2 Saameeli 11:1

Nato shaddeebeeti yemeenooch, taateenaꞌo koyooch hammiibeeti aabooch, Daawiti bi ginee iraasheenaꞌonaa Israꞌeelee ginee naayinaꞌo bullinon Yoꞌaabina tookkii koyooch daachiihe. Boonoshiyoo Amooneenaꞌon kochii aalliiꞌi, Raabin giichiyeete. Tunebaani arooba Daawiti Yerusaalemi echetone.

2 Saameeli 12:26

Arooba Yoꞌaabi Amooneenaꞌochi katemoo tuneti Raabin kochiꞌi, katemeexi mishigoon yechiye.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Hiziqeeli 21:20

Goraado woyemmoyich Amooneenaꞌochi katemoo Raabinaa xaqqee uxerechi Yihudee katemoo Yerusaaleminochi gommooch malletoon gede.

Hiziqeeli 25:5

Raabi katemoon, gaaleenaꞌochi gaddoon, Amooneenaꞌochi showoonoo bageenaꞌochi gaddoon tuniyemmo taane. Ebina Doono Yeeri ta tunoon ariyemmo ittoshine’ iye.

Amootsi 1:14

Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone.

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Yibbaatoo 2:11

Anaaqeenaꞌochoommon boonoshiyoo Refayeenaꞌo getaa ceekkee beetinaꞌone. Tunebaani Moꞌabeenaꞌo boonoshin Eemeenaꞌo iꞌi ceeggiyeete.

Yibbaatoo 2:20

Ebi aroo wotta Refayeenaꞌo showoo getteehe. Aroyee aaf Refayeenaꞌo arooch beebee echetinaꞌone. Tunebaani Amooneenaꞌo boonoshin Zumizumeenaꞌo ii ceeggiibee echetinaꞌone.

Yaasi 12:4

Wotta bi beeyi xaaꞌoon Ashitarooti katemoonaa Edireyi katemoonooch tuniiti, Refayeenaꞌoochee curo tuneꞌi echeti asheenaꞌo daggoochee ikkoo, Bashaanee taatoo Oogi,

Yaasi 13:12

Ashitarooti katemoonaa Edireyi katemoonooch tuneꞌi hajjiti Oogi taateti Bashaanee showoo bulliniye. Oogi Refayeenaꞌoochee curo tuneꞌi echeti asheenaꞌo daggoochee ikkoone. Eboshinoo Muusi kochii wochiꞌi, boonoshi showoochee yookkitone.

Yaaꞌoo 21:17

Uxeree neexoon qellayiye; ashi qellayoona maraakoo qellayiti qellayee gumboona balli aabbaa awudde hiroo tunehe.

1 Saameeli 17:4

Gaatee waati, bi neexo shiritte hiraa ciixon tuneti, Gooliyaadi getteebeeti, aricheti ginee anaamo Filsixeemeenaꞌo kaamboochee kechiye.