Yibbaatoo 3:1 - Kafa Linguistics Project

¹ Muusi Israꞌeeleenaꞌoyich ishichiye: “Aroochee damba wottaꞌa Bashaanee showoo waan hammehone. Bashaanee taatoo Oogi bi ginee naayinaꞌo bullin yechiꞌi noonna koyeya Edireyi katemee gaꞌooch waahe.

Yibbaatoo 3:1 ပူးပေါင်းရင်းမြစ်များ

1 Taateenaꞌo 4:19

Amooreenaꞌo taatoo Sihooninaa Bashaanee taatoo Oogina taateti Gilaadee showooch, Uriyi bushoo Geberinane; ebi showooch ukkiroo bi baachiye.

Nehimi 9:22

“Taatittineenaꞌonaa aageteenaꞌonon beshii immaꞌa, wohooch beeti showee danoon boonoshicho tuniihine. Heshiboni katemooch koteechii hajjiibeeti, taatoo Sihooni showoon, Bashaanee taatoo Oogi showoonoo woraashiyeete.

Shoddo 136:20

Bashaanee taatoo Oogin wuxito, bulli yemeenoon shoodechone.

Yibbaatoo 1:4

Ebiyoo bi tuneto, Muusi Heshibon beechii qeejjiti, Amooreenaꞌo taatoo Sihooninaa Ashitarooti katemoonaa Edireyi katemoonooch beechii qeejjiti, Bashaanee taatoo Ooginon kochii wochiꞌi bi wottetoyee gubbiye.

Yibbaatoo 2:32

“Sihooniyoo bi ginee naayinaꞌo bullin yechiꞌi noonna koyeya Yahaatsi katemooch waahe.

Yibbaatoo 29:7

“Hini xaaꞌooch no waahooba, Heshiboni taatoo Sihooninaa Bashaanee taatoo Oogina noon kocha waaheete. Tunebaani no boonoshin kochaa wochiyone.

Yibbaatoo 3:2

Tunebaani Doono Yeeri taach ishichiye: ‘Shattaahine; biin, bi asheenaꞌo bullinaa bi showoonon ne kishooch beshiyaꞌa immeto taane; Heshiboni katemooch beechii qeejjiibee echeti Amooreenaꞌo taatoo Sihooni toommooch ne tuniitoommon, ebiyoommon bi toommooch tuniibe’ iye.

Yibbaatoo 31:4

Doono Yeeri Amooree taateenaꞌo tuneti Sihoonin, Ooginaa boonoshi showoonon bi aalliyoommon, ebi asheenaꞌon aalliyemmone.

Yibbaatoo 4:47

Boonoshiyoo bi showoon, wotta Bashaanee taatoo Oogichi showoon, Yoordaanoosi aacoochaa aabi-keyo waan beeti, ebi gutte Amooree taateenaꞌo showoon yechiꞌi boonoshi hajjoon tuniiheete.

Yaasi 12:1

Israꞌeeleenaꞌo shiichii kochii wochiꞌi boonoshi yechiti, Yoordaanoosi aachee beqach aabi-keyo waan beeti showoon, ebiyoo Arinooni bamboochee Hermooni guudooch beddaahaa, Yoordaanoosi bamboyee beqach beeti showoo bullin hajjiti gutte taateenaꞌo eboshine:

Yaasi 12:4

Wotta bi beeyi xaaꞌoon Ashitarooti katemoonaa Edireyi katemoonooch tuniiti, Refayeenaꞌoochee curo tuneꞌi echeti asheenaꞌo daggoochee ikkoo, Bashaanee taatoo Oogi,

Yaasi 13:30

Boonoshi showoo, Mahanayimi katemoochee tiijjiꞌi, Bashaanee showoo bullin, ebiyoo Bashaanee taatoo Oogichi showoo bullinaa Bashaanee showooch beeti, Yaꞌiiri kochii yechiti shiche katemeenaꞌo bullinane.

Yaasi 9:10

Ebiyoommon wotta Yoordaanoosi aachee beqach beeti, gutte Amooree taateenaꞌo, boonoshiyoo Heshiboni taatoo Sihooninaa Ashitarooti katemooch beechii qeejjiibee echeti, Bashaanee taatoo Ooginochi toommooch bi tuniito bullin waayeto noone.