Yibbaatoo 29:6 - Kafa Linguistics Project

⁶ Koshon maataano ittoshine; woyinee uyoon woyee mashiibeeti uyoon uyaano ittoshine; tunebaani ittoshi Nuggishoo ta tunoon ittoshi ariyemmoyich, Doono Yeeri ta, ittoshich qaawii beeton immeto taane’ itone.

Yibbaatoo 29:6 ပူးပေါင်းရင်းမြစ်များ

Nehimi 9:15

Boonoshi shaacoyich shimaayoochee koshon immehine; boonoshi shachewoyich xaqqoochee aacon kichihine; boonoshich imma wogoon ne giyeti showoon giyiree boonoshi woraashemmoyich gettehine.

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Keyo 16:35

Israꞌeeleenaꞌo boonoshi beeyemmi showoo Kanaan boonoshi giyimmi wottoon, aabbe naton mannoon maaheete.

Haddoo 16:14

Ebiyee wotta, ejjoonaa eeyona xuupphiibeeti showooch noon giijjaano neene; goyoonaa woyinee budononoo nooch woraashiyaano neene. Andoo noon dachiya qaawiibeeto neene. No hamaachone” iyeete.

Haddoo 20:8

“Gumboon yeshe. Neennaa ne manoo Haroonina iiteenaꞌon ikkooch kicibote. Xaqqo aacon bi kichemmoyich boonoshi ciini beetaa getote. Xaqqoochee aacon boonoshich kichemmo neene; boonoshinaa boonoshi gijjeenaꞌona aacon uchemminaꞌone” iye.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

1 Qorontoosi 9:25

Wotta qiiccebone iꞌi qiiccoyich tiyiibeeto bulli, bulli mooyona bi ashittinoon manjiiꞌi kupphiihe. Eboshi qiicceebeeto, aallemmi naadee gubbichoon danoyichiye; tunebaani no qiiccaabeeto, aalleyaani gubbichoon danoyichiye.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yibbaatoo 2:33

Tunebaani no Nuggishoo Doono Yeeri biin no kishooch beshiiꞌi immiye. Nowoo biin, bi anaami bushiishoonaa bi ginee naayinaꞌo bullinon wuxiyon.

Yibbaatoo 29:7

“Hini xaaꞌooch no waahooba, Heshiboni taatoo Sihooninaa Bashaanee taatoo Oogina noon kocha waaheete. Tunebaani no boonoshin kochaa wochiyone.

Yibbaatoo 3:3

“Ebina no Nuggishoo Doono Yeeri Bashaanee taatoo Ooginaa bi ginee naayinaꞌo bullinon no kishooch beshiiꞌi immiye. Nowoo, ikkoonolla kashoona echiyaanoon boonoshi bullin wuxaa aalliihon.

Yibbaatoo 3:6

Nowoo Heshiboni taatoo Sihoonichi katemeenaꞌo toommooch no tuniitoommon, katemoo bullin happaa aalliihon; arooch beeti asheenaꞌon, anaamon, maacheenaa bushiishoonon wuxaa aalliihon.

Yibbaatoo 8:3

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.