Yibbaatoo 29:5 - Kafa Linguistics Project

⁵ Biyoo ‘Aabbe naton barahoona ittoshin yaabito taane; tunebaani ittoshi taho ittoshi qeddoochee ciireyaanoone; caammoo ittoshi baatoochee kuxeyaanoone.

Yibbaatoo 29:5 ပူးပေါင်းရင်းမြစ်များ

Nehimi 9:21

Aabbe naton barahoochaa boonoshich qaawiibeeto bullin immehine; amoonolla mucceyaaneenaꞌone; boonoshi taho kuxeyaanoone; boonoshi baatoo nafaanoone.

Shoddo 78:24

Boonoshi maayemmoyich mannoon kindiihe; shimaajji maayoon boonoshich immiye.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 7:7

Faroon waan hammiꞌi boonoshi yibbaatehooba, Muusi shinne nati ashoone; Harooniyoo shinnaa keejje nati ashoone.

Haddoo 14:33

Gibeneyaano ittoshi tunetoyich, ittoshi qitii ciiremmi wottoon, ittoshi bushiisheenaꞌo barahooch aabbe naton xuuxebee qiddoo tunemminaꞌone.

Maatiyoosi 10:10

Gommoyich shohee kojjoon woyee ittoshi tahetoyee bare tahoon woyee caammoon woyee gumboon yechaahote. Ebiyoo shuunecho biin shuuniito waanee shohoon maamo qaawiibeeto bi tunetoyichiye.

Yibbaatoo 1:3

Gibitsee boonoshi kechiti aabbinnee natooba, aaraa ikkinnee agenee ikkinnee qemooba, Muusi Doono Yeeri bi gettemmoyich biich gettiti mooyo bullin Israꞌeeleenaꞌoyich gettiye.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

Yibbaatoo 8:3

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.

Yibbaatoo 8:4

Ebi aabbe nati daggooch ittoshi taho ittoshi qeddoochee ciireyaanoone; ittoshi baatoo nafaanoone.

Yaasi 9:13

Ebi woyinee uyoon no ceechiti mollexxeenaꞌo andireenaꞌone; tunebaani and am shaahoon boonoshi keexeto gaata ciinote. No taheti tahoonaa no geddeti caammoona meeti areddee shaꞌoona ciiretone” iyeete.

Yaasi 9:5

Asheenaꞌo keexee kocheti geene caammoon geddiyeete; geenee kuxeti tahoon taheheete; shuuqqii burbuqqiti shohoon yechiyeete.