Yibbaatoo 29:29 - Kafa Linguistics Project

²⁹ “Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Yibbaatoo 29:29 ပူးပေါင်းရင်းမြစ်များ

Halloo 41:16

Yooseefiyoo Faroonich “Ta doonocho, taach biichi hakkoo aalloone; tunebaani neech gaaweti gommona Yeeri biichemmone” iye.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shaahiyoo 25:2

Mooyon aachoo Doono Yeerich oogoone; tunebaani mooyon boshee kichoo taatoyich oogoone.

Shaahiyoo 3:32

Doono Yeeri xumme ashoon ciigehe; tunebaani kaame ashoyich bi maaci mooyon gaxxii gettiye.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Erimiyaasi 23:18

Boonoshi daggoochee bi qaaroon beegonaa waayoonoyich, Doono Yeerichi iitooch neexeto konine? Bi qaaroon aaxxiitonaa elletona konine?

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 4:9

“Yiiteenaꞌochi ukkiroo tuneti Belxesooro! Yaafe nuggisheenaꞌochi ayaano ne toommooch bi beemonaa aacheeti mooyo bullin ariibeeto ne tunoonon ariibeeto taane. Ta gummeti gumo ebiyoche, taach biishiree gete!

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Maatiyoosi 13:35

Ebi bi tuneti naboo, “Shaahiyoona gettemmo taane; Yeeri alemoon bi hallitoochee tiijjiꞌi aacheeti mooyon gaxxemmo taane” iꞌi keemecho gettito ceennemmoyichiye.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 21:22

Yesuusiyoo “Wottaꞌa ta waammi wottoon bi beeyemmoyich ta shuni gaatochi, neen amo qaaqqiye? Ne taan dabbibe” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Mishiraachechinaꞌo 1:7

Biyoo wochiꞌi, “Ta Nihoo bi hajjee shalligoona bi neechiti ageneenaꞌonaa yemeeneenaꞌonon ittoshi ariyemmoyich, ittoshich daaggaanoone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

1 Qorontoosi 2:16

Yaafe Macaafooch bi kooreetoommon, “Doono Yeerichi gaboon ariito konine? Biinoo boyemmo konine?” Tunebaani Kiristoosichi gaboo nooch beetone.

Yibbaatoo 30:2

Neennaa ne shiijjeroona ittoshi Nuggishoo Doono Yeer waan wotteꞌi, hanaach neech ta gettaabeeti bi qaaroyich ceeni ittoshi mulloonaa ceeni ittoshi kashoona deꞌa ittoshi getaa,

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

2 Ximootiyoosi 3:16

Yaafe Macaafooch kooreeto bulli Yeerichi kashechone; dojjoyich, ciicoyich, mullee kaachoonaa ashich cadiqee gommi dojjoonoyich gaaccemmone.