Yibbaatoo 29:28 - Kafa Linguistics Project

²⁸ And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.

Yibbaatoo 29:28 ပူးပေါင်းရင်းမြစ်များ

1 Taateenaꞌo 14:15

Doono Yeeri, shombeqoo aachi daggoochaa qewoommon, boonoshi qewemmoyich tuniiree, Israꞌeeleenaꞌon yexxemmone. Nuggishee Asheeri misiloon neechoona Doono Yeerin boonoshi ippiitoyich, boonoshi qaabbechinaꞌoyich bi immiti, hini gaawe showoochee boonoshin waaxxemmone; Efiraaxisi aacoyee beqach boonoshin shaccemmone.

2 Taateenaꞌo 17:18

Ebich Doono Yeeri boonoshin oogichii kaarehe; Yihudi yoodoon baach echiichii, Israꞌeeleenaꞌon bi aafoochee wokkiihe.

2 Taateenaꞌo 17:6

Hosheehi taateti yiixiyinnee natooba, Asooree taatoo Shamaarin yechiye. Israꞌeeleenaꞌonoo kecciꞌi, Asooree showooch daammiye. Boonoshinoo Halaahi katemooch, Gozaani woraafee daggooch beeti Haboori aachi gaꞌooch, wotta Meedee showeexi katemeenaꞌooch boonoshi kotemmoyich tuniihe.

2 Kiinoo 7:20

ittoshich ta immeti showoochee ittoshin waaxxemmo taane; ta shigo arooch bi beeyemmoyich ta yaafiti hini yaafee kexon duppemmo taane; aageteenaꞌo bulli ebi mooyon tochibee cooqqiremmoyich tuniyemmo taane.

Iziri 9:7

No qaabbechinaꞌochi yemeenoochee tiijjiꞌi hanaach beddaahaa, oogichaꞌa xuqqeto noone. Ebiyoche, no axaaxee naboona nowoo, no taateenaꞌonaa qeesheenaꞌona showee toommeexi taateenaꞌo kishooch beshiitaa ichaꞌa, and beddaahaa goraadoona qecceyooch, kecceyooch, bokkeyoonaa ooge yeelloonooch dihito noone.

Shoddo 52:5

Ebich Doono Yeeri bulli yemeenoon neen tiichemmone; ne kexoochee neen shotte kichiree aalliyemmone; kashechinaꞌo beeti hini showoochee neen waaxxemmone.

Shoddo 78:2

Ta yibbaatoon shaahiyoona wonnemmo taane; wonnee tiijjiꞌi aacheeti mooyon gaxxemmo taane.

Shaahiyoo 2:22

Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.

Shaahiyoo 25:2

Mooyon aachoo Doono Yeerich oogoone; tunebaani mooyon boshee kichoo taatoyich oogoone.

Erimiyaasi 42:10

‘Ittoshi toommooch ta deebeti gonde mooyoyich ta ayinitoyich hini showooch ittoshi beegaata, ittoshi diccemmonalli ittoshi happeyemmon tuniyaache; ittoshin bechishalli ta gettemmo waaxaachemmo taane.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hiziqeeli 19:13

Andoo barahooch, shuuqqii baggiti showooch daamaa becheehe.

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 9:7

“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:36

“Doono Yeeri ne woyee ne qaabbechinaꞌo ariyaani aagetooch, neennaa ne toommooch ne taatiiti taatoona hammemmoyich tuniyemmone. Aroochaa mixonaa xaqqoonoochee shuuneeti nuggisheenaꞌoyich goyinne maddemmo neene.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 30:1

Muusi Israꞌeeleenaꞌoyich ishichiye: “Illa and diiroonaa ufonon, ebi gutte mooyon ne aafooch kotiito taane. Ebi mooyo bulli ne toommooch shagaa, ne Nuggishoo Doono Yeeri neen shacciti aageteenaꞌo daggooch beebee, ebi mooyon shalligemmo neene.

Yibbaatoo 32:34

“Doono Yeeri ishichiye: ‘Ebi mooyon ta maacooch yecheto taane; ta mazgabooch kooree kotetone.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

Yibbaatoo 6:24

Aroochee Doono Yeeri ebi geteenaꞌon no quyemmoyich, no Nuggishoo tuneti biinoo no shattemmoyich, gettiye. Ebiyoo hanaach nooch bi tunee beetoommon, gaawe mooyo nooch bi tunemmonaa kashoona no beeyemmonoyichiye.

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.