Yibbaatoo 29:27 - Kafa Linguistics Project

²⁷ Ebich Doono Yeerichi kaaree shiixxoo hini showee toommooch kindiye; biyoo hini macaafooch kooreeti ufo bullin bi toommooch deebiye.

Yibbaatoo 29:27 ပူးပေါင်းရင်းမြစ်များ

1 Taateenaꞌo 14:15

Doono Yeeri, shombeqoo aachi daggoochaa qewoommon, boonoshi qewemmoyich tuniiree, Israꞌeeleenaꞌon yexxemmone. Nuggishee Asheeri misiloon neechoona Doono Yeerin boonoshi ippiitoyich, boonoshi qaabbechinaꞌoyich bi immiti, hini gaawe showoochee boonoshin waaxxemmone; Efiraaxisi aacoyee beqach boonoshin shaccemmone.

2 Taateenaꞌo 17:6

Hosheehi taateti yiixiyinnee natooba, Asooree taatoo Shamaarin yechiye. Israꞌeeleenaꞌonoo kecciꞌi, Asooree showooch daammiye. Boonoshinoo Halaahi katemooch, Gozaani woraafee daggooch beeti Haboori aachi gaꞌooch, wotta Meedee showeexi katemeenaꞌooch boonoshi kotemmoyich tuniihe.

2 Taateenaꞌo 22:16

Doono Yeeri ishichiye: Yihudee taatoo shemmeti macaafooch bi kooreetoommon, gonde mooyon hini xaaꞌoonaa arooch beetinaꞌonochi toommooch deebemmo taane.

2 Taateenaꞌo 24:20

Doono Yeeri kaaro cufii cufii hammiye. Ebich biyoo Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

2 Taateenaꞌo 25:21

Baabloonee taatoo boonoshin yexxiihe; Hamaatee showooch beeti Ribilaa boonoshin wuxiihe. Ebiyoommon Yihudee asheenaꞌo boonoshi showoochee kecaa hammiyeete.

Shoddo 85:5

Bulli yemeenoon noon kaare beeyenne? Ne kaaroon shiijjeroochee shiijjerooch beshii beeyenne?

Erimiyaasi 5:19

Ittoshi asheenaꞌo ‘No Nuggishoo Doono Yeeri amoyich ebi bulli mooyon no toommooch tuniihe’ boonoshi getigaata, newoo boonoshich ‘Taan ittoshi qayoommon, ittoshi showoochaa bara nuggisheenaꞌoyich ittoshi goyinnoommon, ebiyoommon ittoshicho tuneyaani showoochaa bare asheenaꞌoyich hajjeyemmo ittoshine’ itone gettemmo neene” iye.

Yibbaatoo 29:26

Hammiꞌi boonoshi ariyaani, wotta bi asheenaꞌo goyinne maddemmoyich Doono Yeeri daaggaani bare nuggisheenaꞌoyich goyinnee maddeheete.

Yibbaatoo 30:1

Muusi Israꞌeeleenaꞌoyich ishichiye: “Illa and diiroonaa ufonon, ebi gutte mooyon ne aafooch kotiito taane. Ebi mooyo bulli ne toommooch shagaa, ne Nuggishoo Doono Yeeri neen shacciti aageteenaꞌo daggooch beebee, ebi mooyon shalligemmo neene.