Yibbaatoo 29:26 - Kafa Linguistics Project

²⁶ Hammiꞌi boonoshi ariyaani, wotta bi asheenaꞌo goyinne maddemmoyich Doono Yeeri daaggaani bare nuggisheenaꞌoyich goyinnee maddeheete.

Yibbaatoo 29:26 ပူးပေါင်းရင်းမြစ်များ

2 Taateenaꞌo 22:17

Boonoshi taan qajjiichii, bare nuggisheenaꞌoyich ixaanoon shookkitinaꞌone; boonoshi kishoona boonoshi shuuneti, nuggisheenaꞌona taan ippiitinaꞌone. Ebich ta kaaree shiixxoo hini xaaꞌooch kindiree aaxxeshalli bi gettemmo, aqqeyaachemmone.

Erimiyaasi 16:11

Newoo boonoshich ishichibe: ‘Ittoshi qaabbechinaꞌo taan boonoshi qajjitoyichiye, iye Doono Yeeri. Bare nuggisheenaꞌon dabbiyeete; boonoshich maddeheete; goyinneheete; taanoo qajjitinaꞌone; ta sheeroonoo quyeyaaneenaꞌone.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 29:25

“Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.

Yibbaatoo 29:27

Ebich Doono Yeerichi kaaree shiixxoo hini showee toommooch kindiye; biyoo hini macaafooch kooreeti ufo bullin bi toommooch deebiye.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.