Yibbaatoo 29:25 - Kafa Linguistics Project

²⁵ “Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.

Yibbaatoo 29:25 ပူးပေါင်းရင်းမြစ်များ

1 Taateenaꞌo 9:8

Hini yaafee kexo happeeree xaqqee gutoo tunemmone. Aroona beshee beetinaꞌo bulli worganemminaꞌone; cooqqiribee, ‘Doono Yeeri hini showoonaa hini yaafee kexonochi toommooch ebiyoommi mooyon bi tuniito, amoyich tunehe?’ gettemminaꞌone.

1 Taateenaꞌo 9:9

Boonoshiyoo wochiree, ‘Gibitsee boonoshi qaabbechinaꞌon kichiti boonoshi Nuggishoo Doono Yeerin qajjiichii, bare nuggisheenaꞌon boonoshi dabbitoyich, boonoshi goyinnee maddetoyich, Doono Yeeri ebi gonde mooyo bullin boonoshi toommooch deebiye’ gettemminaꞌone” iye.

2 Taateenaꞌo 17:15

Bi qociyoon, boonoshi qaabbechinaꞌona tookkii bi giyiti wogoonaa boonoshich wochii wochii kupphii bi gettiti qaaroonon hoxeheete; gaacaalli shahalleenaꞌoyich goyinnoona boonoshiyoo gaacaalleenaꞌo tuneheete. Doono Yeeri boonoshichoommon boonoshi tuniyaachemmoyich, boonoshich bi gettiti, boonoshi guudoona beeti aageteenaꞌon dabbiyeete.

2 Taateenaꞌo 17:9

Israꞌeeleenaꞌo boonoshi Nuggishoo Doono Yeerichi qaaroon xummiyoona kaamoo tuneyaanee mooyon aashoona shuuneꞌi biin xuqqiyeete. Qiddeenaꞌochi dilaaloochee tiijjii, xaqqee uxerechi ooge boonoshi katemooch beddaahaa, boonoshi katemeenaꞌo bulliich boonoshi qellich guudi toommeexi goyinnee xaaꞌeenaꞌon shuuneheete.

2 Taateenaꞌo 22:17

Boonoshi taan qajjiichii, bare nuggisheenaꞌoyich ixaanoon shookkitinaꞌone; boonoshi kishoona boonoshi shuuneti, nuggisheenaꞌona taan ippiitinaꞌone. Ebich ta kaaree shiixxoo hini xaaꞌooch kindiree aaxxeshalli bi gettemmo, aqqeyaachemmone.

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

Shoddo 106:36

Boonoshich olloon tuneti, aageteenaꞌo shahalleenaꞌoyich maddeheete.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Isiyaasi 65:11

“Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Erimiyaasi 16:11

Newoo boonoshich ishichibe: ‘Ittoshi qaabbechinaꞌo taan boonoshi qajjitoyichiye, iye Doono Yeeri. Bare nuggisheenaꞌon dabbiyeete; boonoshich maddeheete; goyinneheete; taanoo qajjitinaꞌone; ta sheeroonoo quyeyaaneenaꞌone.

Erimiyaasi 22:8

“Meeti aageteenaꞌo ebi katemee gaꞌoona beshebee, boonoshinaa boonoshina ‘Doono Yeeri ebi ooge katemooch ebiyoommon amoyich tuniihe?’ gettemminaꞌone.

Erimiyaasi 22:9

Boonoshiyoo ‘Boonoshi Nuggishoo Doono Yeerina tookkii boonoshi giyiti wogoon happiꞌi bare nuggisheenaꞌoyich boonoshi goyinnetonaa boonoshi maddetonoyichiye’ gettemminaꞌone” iye.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Erimiyaasi 44:3

Ebi tuneto ebi katemeenaꞌooch beebee echeti asheenaꞌo ta kaaroon boodoyich, boonoshi tuniiti gondoyichiye; boonoshiyoo tunebeeta ittoshi, ittoshi qaabbechinaꞌoo ariyaani bare nuggisheenaꞌoyich ixaanoon shoohonaa goyinnoonoyich hammiyeete.

Erimiyaasi 50:7

Boonoshin daneto bulli maahe; boonoshi etteenaꞌoo ‘No xuꞌaano noone; boonoshi, ibere boonoshi beeyi xaaꞌoo, boonoshi qaabbechinaꞌochi gibeno tuneti boonoshi Nuggishoo Doono Yeerin xuqqitinaꞌone’ itinaꞌone.

Yibbaatoo 29:26

Hammiꞌi boonoshi ariyaani, wotta bi asheenaꞌo goyinne maddemmoyich Doono Yeeri daaggaani bare nuggisheenaꞌoyich goyinnee maddeheete.

Hibireena'o 8:9

Ebi wogo, ittoshi qaabbechinaꞌon Gibitsee yaabii kichoyich, boonoshi kishoon ta yeshiyooba, boonoshina tookkaa ta giyeti wogoommo toonoone. Boonoshin cikkii qajjehoye; ebiyoo, boonoshi ta wogoona manjaaneenaꞌo boonoshi tunetoyichiye, iye Doono Yeeri.