Yibbaatoo 29:20 - Kafa Linguistics Project

²⁰ Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 29:20 ပူးပေါင်းရင်းမြစ်များ

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

2 Taateenaꞌo 14:27

Tunebaani Doono Yeeri, Israꞌeeleenaꞌochi shigoon showee toommoochee aalliyemmo bi tunoon getaanoone. Ebich Yehoꞌashi bushoo Yeroboꞌamichi kishoona boonoshin wodiihe.

Shoddo 18:8

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Shoddo 69:28

Boonoshi shigo kashechinaꞌochi mazigaboochee hideebe; cadiqeenaꞌona tookki kobereyaayeete.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Shoddo 78:50

Bi kaaroyich gommon qanniihe; qitoocheenoo boonoshin wodiyaanoone; naxoyichoo boonoshin beshiiꞌi immiye.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Shoddo 80:4

Beshe Mawe Nuggishoo Doono Yeero, ne asheenaꞌochi corootoon waayee qayona, ne kaare beeyemmo aati wottooniye?

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Shaahiyoo 2:22

Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.

Shaahiyoo 6:34

Qanaato kenoochi kaaroon booddemmone; nichoon bi wochii beehooboo ariqqeyaachemmone.

Solomooni 8:6

Maatemoochoommon ne mullooch, ne mochoochoo taan kotiibe. Shunoo qitoommi kuppho bi tunetoyich, bi qanaatoo maashoommi maacmanjoo bi tunetoyich, qaaqqee aaxxoommon, giidechi conjoommonoo aaxxee beetone.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Hiziqeeli 5:11

“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Hiziqeeli 7:4

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee Doono Yeeri ta tunoon ariyemmi neene.

Hiziqeeli 7:9

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee neen naxaabeeto Doono Yeeri ta tunoon ariyemmi neene.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hiziqeeli 8:5

Yeeriyoo “Ashi bushoocho, dambi-waan ciine” iye; ebiyoche deejjee gudee kellooch, dambi-waan gimi kellooch ciinnaa ta iyaa, ebi qanaatoon tiijjiibeeti shahalloo beete.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Roomi 11:21

Yeeri shiichiꞌi beeti ateenaꞌoyich ariqqeyaano bi tunegaata, neechoo wotta ariqqeyaachemmone.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 25:19

Ebich ne Nuggishoo Doono Yeeri giyi ne woraashemmoyich neech bi immiibeeti showee guudoona beeti ne etteenaꞌo waanee neen bi kashiihooba, shimaayoyee desh beeti, Amaleeqeenaꞌo shalligeyemmi mooyo bullin hidi aalliibe. Ebin ciroona batteyaahine” iye.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.