Yibbaatoo 29:18 - Kafa Linguistics Project

¹⁸ Ebi aageteenaꞌo nuggisheenaꞌoyich goyinne maddeya, hanaach bi mulloon no Nuggishoo Doono Yeer waanee bara wochiti asho, anaamo woyee maachee woyee ashi yaroo woyee yoodo bi beetaachemmoyich, xiishibote. Ebi bi beegaata, caammiibeeti, xuppattoon tuneya dicciibeeti michi cammoommone.

Yibbaatoo 29:18 ပူးပေါင်းရင်းမြစ်များ

Shoddo 10:13

Axaaxecho Doono Yeerin oogiyoo amoyich qajjiye? Amoyich bi mulloona, “Doono Yeeri taan naxeyaachemmone” iye?

Shoddo 69:21

Ta maayooch caamoon bacciyeete; ta shachewoyichoo kiikkeroon taach immiyeete.

Erimiyaasi 23:15

“Ebich Beshe Mawe Doono Yeeri ta, ebi keemechinaꞌochon ta gettaabeeto ishichiiniye: ‘Eeꞌe mooyo, Yerusaalemi katemeexi keemechinaꞌo waanee kechiꞌi showoo bulliich bi taatetoyich, caame maayoon boonoshich maanjemmo taane; xuppattee aacon boonoshich uchemmo taane’ ” iye.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 8:14

Yeerichi asheenaꞌoo “Cikkiree no kotemmo amoyichiye? Doono Yeerin no xuqqetoyich no Nuggishoo Doono Yeeri no aallemmoyich tuniitone; xuppattechi aaconoo nooch uchitone; ebich kicee ittoshi getaa manje katemeenaꞌooch gibone; aroochaanoo qitibone.

Erimiyaasi 9:15

Ebich Israꞌeelee Nuggishoo Beshe Mawe Doono Yeeri ta, hini asheenaꞌo caame maayoon boonoshi maayemmonaa xuppattee aacon boonoshi uchemmonoyich tuniyemmo taane;

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Mishiraachechinaꞌo 8:23

Caammere qanaato ne mullooch ceenonaa axaaxee waanjee daggooch ne beemonon beeggaabeeto taane” iye.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Yibbaatoo 32:32

Boonoshi etteenaꞌo, Sodoominaa Gomoorinochi guudoona gocheti woyinoomminaꞌone. Ebi woyinee aafo caammere, xuppattoon aafeebeeti aafechone.

Hibireena'o 12:15

Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.