Yibbaatoo 28:65 - Kafa Linguistics Project

⁶⁵ Ebi aageteenaꞌo daggoochaa diggoon muccemmo neene; ne baatoo tooqqemmi xaaꞌoon muccemmo neene. Ebi aroochaa Doono Yeeri neen betiyemmone; gibenoon ne kuxxemmonaa goggoon ne mawiyemmonon tuniyemmone.

Yibbaatoo 28:65 ပူးပေါင်းရင်းမြစ်များ

Halloo 8:9

Tunebaani aaco showee toommo bulliich gejjeꞌi bi beetoyich, ugge bi baatoon bi kotiyemmi xaaꞌoon muccahan; bi hilla wottaꞌa, Nooh waan markabooch waahan. Noohi bi kishoon yaggii uggeen yechiꞌi, maac markabooch giijjiye.

Iyoobi 11:20

Tunebaani gondeenaꞌo aafo yaamemmone; murici boonoshi wodemmi gommon muccemminaꞌone; boonoshich beeti gibeno qitoo baachiye” iye.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 57:21

Gondeenaꞌoyich diggoo aalloone” iye ta Nuggishoo Yeeri.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Shoosho 1:3

Yihudee asheenaꞌo guuchittinoonaa xuuxoona beebee, aroochee kecaa hammiyeete; aageteenaꞌo daggooch koteheete; aroochaa tooqqii kashoon mucceheete; boonoshi etteetinaꞌo bulli, xuuxeꞌi boonoshi beetaa daneheete.

Shoosho 3:65

Boonoshi mulloon muumiibe; ne ufo boonoshi toommooch shage.

Shoosho 5:17

No mullo biiyetone; no aafo doojjitone.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Leweenaꞌo 26:36

“ ‘Ittoshi daggoochee kashoona echetinaꞌo boonoshi etteenaꞌo showooch boonoshi beetaa, boonoshin keqqichemmo taane. Yongo shuurikkiibeeti michi waamona boonoshin betiyemmone; ginoochee muricciꞌi woccii beetochoommon, woci aallemminaꞌone; boonoshin yookkito aalloon dihemminaꞌone.

Amootsi 9:4

Etto boonoshin kecciꞌi, gashee daammitaa aroochaa goraadoona boonoshi qitemmoyich tuniyemmo taane. Boonoshin gaacheya tuneyaanoon boonoshin aalliiya kuxxaa tiyeto taane” iye.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Maatiyoosi 24:8

Ebi bulli bi bekkiibeeto, batt maaxee xuuxee gimoniye.

Luqaasi 21:26

Shimaajji giideenaꞌo shuuritoyich, showoo bulli toommooch kindemmi mooyon quyebee ashi kashoo keqqoona muujjemmone.

Roomi 11:10

boonoshi ciinaachemmoyich boonoshi aafoo manderebe; boonoshi shimetoo bulli aaboon goobebe” itone.

Yibbaatoo 28:66

‘Asho taan wuxemmone’ geti shati beeyemmo neene; areddoonoo xumoonoo keqqi beeyemmo neene; ne kasheyoo buushaaraalle tunemmine.