Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yibbaatoo 28:63 - Kafa Linguistics Project

63 Doono Yeeri gaawe mooyon ittoshich bi tuniyoona, wotta shiijje shiijjere ittoshi meettemmoyich bi tuniyoona bi emiroommon, ebiyoommon ittoshin bi aalliyoonaa billimoon ittoshi toommooch bi deebona emiremmone. Giyiree ittoshi woraashemmi showoochee waaxemmo ittoshine.

အခန်းကိုကြည့်ပါ။ ကော်ပီ




Yibbaatoo 28:63
29 ပူးပေါင်းရင်းမြစ်များ  

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.


Ne, deꞌo neene; ne shuunoo deꞌoone; taach ne qociyoon dojjibe.


tawoo ittoshi xuuxoona miiccemmi taane; keqqoo ittoshin yexiyooboo cooqqiremmi taane.


Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.


Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.


Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.


Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.


Ikke aagetee showoon woyee taatittinoon waaxxemmo, happi aalliyemmo ta tunoon ta awaajjiichaa,


Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.


Boonoshin waaxonaa happoonoyich, guufonaa aalliyoonoyich, iritoonoo boonoshi toommooch deeboyich ta kupphoommon, boonoshin manjiyoonaa bechoonoyich kupphemmo taane” iye Doono Yeeri.


Dubenee bamboo bulli, tulloo duppeebeeti bamboo bulli, Qedirooni aacooch beddaahaa, aabi-keyo waan beeti Hareshee Kellee danooch beddaahaa beeto bulli Doono Yeeri taach yaafeeto tunemmone. Ebiyee bekk bulli aabooch Yerusaalemi waacheyaachemmine; happeyaachemmine” iye.


Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.


‘Ittoshi toommooch ta deebeti gonde mooyoyich ta ayinitoyich hini showooch ittoshi beegaata, ittoshi diccemmonalli ittoshi happeyemmon tuniyaache; ittoshin bechishalli ta gettemmo waaxaachemmo taane.


Giddeꞌinoo keemechi Erimiyaasich ishichiyeete: “No qollaa beeton ne tuniyemmoyich neen qollehone: Ne Nuggishoo Doono Yeer waan nooch corootibe; hini curo bullich corootibe. Ne beeggaa beetoommon, meetoochee giishecho echeto noone;


“Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.


Uxeree kelleenaꞌo showee dechiich giyiyeete; tuggeenaꞌonoo tiichii aalliihe; taatoonaa bi iraasheenaꞌona boonoshi beeto, kecooch, aageteenaꞌo showoochiye; illa sheeroon doyoo echetone; keemechinaꞌoo Doono Yeer waanee yaaꞌoon beegaachemminaꞌone.


‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.


“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.


Ebi qareenaꞌon manjii ta ciinnaa beetaa, boonoshi daggoochee ikke giisheche qaro kaama diccii bi beetaa beeggeho. Shiichiꞌi beetinaꞌoochee keeminaꞌo bi aafoochee duchoona waaxeheete. Ebi qaroyich ashi aafoommi aafoonaa geecoona yibbaateebeeti noonoona beetone.


Nuggishoo Doono Yeeri ishichiye: “Israꞌeelee showooch beeti katemoochee, koyooch ikkoochee humeenaꞌo hammemminaꞌone; tunebaani balleenaꞌo baach wottemminaꞌone; baroochee balleenaꞌo hammemminaꞌone; tunebaani aashireenaꞌo baach wottemminaꞌone” iye.


Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.


Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.


Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.


Ne Nuggishoo Doono Yeeri ne shuunaabeeti shuunoo bullina, meeti bushiishoona, gijjee shiijjoona, ne gochaabeeti goyoonoo oogichi ne gaannemmoyich tuniyemmone. Doono Yeeri ne qaabbechinaꞌon gaanniyoona bi emiroommon neen gaanniyoona emiremmone.


Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.


Ne Nuggishoo Doono Yeeri ebi asheenaꞌon giishii giishiibee ne aafoochee aalliyemmone. Ikke wottoon boonoshin ne aalliyemmoyich tuniyaachemmone. Ebiyoo kubbi cooxo meeti neen bi duꞌiyaachemmoyichiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ