Yibbaatoo 28:52 - Kafa Linguistics Project

⁵² Ne Nuggishoo Doono Yeeri neech immiti showoo bulliich beeti, ne gibenaabeeti, neexi genjeenaꞌonaa manjeenaꞌona tuneti xaqqee uxereenaꞌo bullin happii boonoshi aalliimmi wottoon, are showoo bulliich beeti ne katemeenaꞌo bullin giishi yechemminaꞌone.

Yibbaatoo 28:52 ပူးပေါင်းရင်းမြစ်များ

2 Taateenaꞌo 18:13

Taatoo Hiziqiyaasi taateti aaraa awuddinnee natooba, Asooree taatoo Senakireebi Yihudee showee xaqqee uxerechi katemeenaꞌo bullin kochii yechiye.

2 Taateenaꞌo 6:29

Ebich ta bushoon kiijjaa maahone. Bi dechara, ‘No maayemmoyich, ne bushoon deebe’ iyo. Tunebaani aree bi bushoon aachiyane” iyan.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Erimiyaasi 10:17

Hini giicheꞌi beetinaꞌote! Ittoshi qiicoon maci kiciree qannibote;

Erimiyaasi 10:18

Doono Yeeri ishichiye: “Hini showee toommooch kotetinaꞌon and kichi yugemmo taane; boonoshin bi qaaqqimmi wottoon boonoshin xuuxiyemmo taane” iye.

Erimiyaasi 37:8

Baabloonee asheenaꞌo wochi waaree hini katemoon kochemminaꞌone; katemoonoo yechemminaꞌone; qaaqqoonoo michemminaꞌone” getote’ gete.

Shoosho 2:2

Doono, Yaaqobichi beeyi xaaꞌoo bullin amoonolla ariqqeyaanoon aalliihe; Yihudee asheenaꞌochi mishigoon bi kaaroona happiye; taatee showoonaa bi iraasheenaꞌonon showooch kindii cooniihe.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Zakaariyaasi 12:2

“Yerusaalemin bi guudoona beeti aageteenaꞌo bullich, dadeddiibeeti woyinee uyee xoofoommon tuniyemmo taane. Yerusaalemi giicheehooba Yihudee showeexi katemeenaꞌoo giicheyemminaꞌone.

Zakaariyaasi 14:2

Doono Yeeri, Yerusaalemin boonoshi kochemmoyich, aageteenaꞌo bullin kicemmone. Katemoo yecheyemmone; kexinaꞌoo bosheyemminaꞌone; maacheenaꞌo giidoona yeshaa mecheyemminaꞌone. Katemee ashoochee qato kecaa hammemmone. Tunebaani aroochee echemmi asheenaꞌo katemoochee ciroona aalleyaachemminaꞌone.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Yibbaatoo 28:51

Neen boonoshi aalliimmi wottoon, ne gijjee shiijjoonaa budeexi ne maayoonon maaree aalliyemminaꞌone; ne maayoochee, ne woyinoochee, ne zayitoochee, ne miimoochee, bagoonaa emmishoonoochee amoonolla echiyaachemminaꞌone. Newoo qiti ciiremmo neene.