Yibbaatoo 28:51 - Kafa Linguistics Project

⁵¹ Neen boonoshi aalliimmi wottoon, ne gijjee shiijjoonaa budeexi ne maayoonon maaree aalliyemminaꞌone; ne maayoochee, ne woyinoochee, ne zayitoochee, ne miimoochee, bagoonaa emmishoonoochee amoonolla echiyaachemminaꞌone. Newoo qiti ciiremmo neene.

Yibbaatoo 28:51 ပူးပေါင်းရင်းမြစ်များ

2 Taateenaꞌo 25:10

Taatoo quyee naayinaꞌochi iraashoona tookkii beeti, Baabloonee ginee naayinaꞌo bulli Yerusaalemi guudoona beeti uxeroon happiyeete.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Erimiyaasi 15:13

“Ittoshi showoo bulli toommooch ittoshi shuuneti axaaxoo bullich ittoshi gaannoonaa ittoshi hajjoonon gatiyaalloon ettoyich beshiiree immemmo taane.

Erimiyaasi 17:3

Gaddooch beeti ta guudoocho! Ne gaannoon, ne hajjoo bullin, geppeenaꞌooch beeti ne goyinnee xaaꞌeenaꞌon ne axaaxee naboona ne etteenaꞌo boggemmoyich tuniyemmo taane.

Shoosho 4:9

Shaacoona qititinaꞌoyee, goraadoona qititinaꞌoyich gaawiye; budoochee daneebeeti maayoon mucceꞌi, xambii aalletinaꞌone.

Hiziqeeli 12:19

Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone.

Hiziqeeli 25:4

ebich aabi-keyo waani asheenaꞌoyich ittoshi hajjeyemmoyich, ittoshin beshiiree immemmo taane; boonoshiyoo ittoshi daggooch kotemminaꞌone; boonoshi beeyi xaaꞌoon ittoshi daggooch tuniyemminaꞌone; ittoshi michi aafoon maayemminaꞌone; ittoshi ejjoon uchemminaꞌone.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 28:50

Boonoshiyoo geenoon oogiyaani, bushoyichoo ariqqeyaani maacmanje asheenaꞌone.

Yibbaatoo 28:52

Ne Nuggishoo Doono Yeeri neech immiti showoo bulliich beeti, ne gibenaabeeti, neexi genjeenaꞌonaa manjeenaꞌona tuneti xaqqee uxereenaꞌo bullin happii boonoshi aalliimmi wottoon, are showoo bulliich beeti ne katemeenaꞌo bullin giishi yechemminaꞌone.