Yibbaatoo 28:49 - Kafa Linguistics Project

⁴⁹ “Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.

Yibbaatoo 28:49 ပူးပေါင်းရင်းမြစ်များ

Halloo 11:7

Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Shoddo 81:5

Gibitsee boonoshi keyiyooba, ebin Yooseefich qociihe. Ishichiibeeti ta ariyaani qaaroon waayehoye:

Shaahiyoo 30:19

Eboshiyoo: Aabichiꞌi booyo shimaayoona bi yoobbiibeeto gaata, dingero xaqqee toommona bi hammiibeeto gaata, markabo baharee toommona bi hammiibeeto gaatinaa, asho maacheen bi shunniibeeto gaatinane.

Isiyaasi 33:19

Boonoshi yibbaatoo giyaani, shalligoon ittoshi hakkaani, ittoshich giyaani noonoona ittoshin daaciibee echeti maacmanje asheenaꞌon ebiyee bekk beegaachemmo ittoshine.

Isiyaasi 39:3

Ebiyooba keemechi Isiyaasi taatoo Hiziqiyaas waan waaꞌi, “Ebi asheenaꞌo waato, amoocheeniye? Neech boonoshi gettito, amooniye?” iꞌi echehe. Hiziqiyaasiyoo “Boonoshi waato, wohi showoochee, Baablooneeniye” iꞌi wochiye.

Isiyaasi 7:18

Aroobee yemeenooch Doono Yeeri Abbaayi aachi gashoochee Gibitseenaꞌon yaammochoommon, Asooreenaꞌonoo boonoshi showoochee maxochoommon shennoona ceeggemmone.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 48:40

Ebich Doono Yeeri ishichiye: “Etto booyochoommon bi toommooch yoobi kindemmone; bi qoshoonoo Moꞌabi toommooch yaggemmone.

Erimiyaasi 49:22

Ebiyoche booyochoommon keyi biittemmone; bi qoshoonoo Botsiri toommooch yaggemmone; Edoomi ginee naayinaꞌo mulloo ebiyooba maaxoo manjeti maachechi mulloochoommon shattemmone” iye.

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Hiziqeeli 11:9

Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.

Hiziqeeli 17:12

“Hukkechi macceenaꞌoyich ishichibe: ‘Ebi moochi biisho amo gaata ariyaachote? Ebiyoche, Baabloonee taatoo Yerusaalem waaꞌi bi taatoonaa bi iraasheenaꞌonon Baabloonee showooch bi waan daammitone.

Hiziqeeli 17:3

Boonoshich, Nuggishoo Doono Yeeri ishichiye, gete: ‘Ogooge qoshoonaa genje wulloona biich beeti ikke xuphaaxuphe ooge booyo Libanoos yoobbii waaꞌi, yigee michi waamon yechiye.

Hiziqeeli 3:6

Boonoshi yibbaatoo maggoo, boonoshi noonoo aricheyaano, boonoshi qaaro neech giyaano tuneti aageteenaꞌo waan neen daachiyaano taane; eboshi waan neen ta daachiito gaata, neechon waayeshinaꞌone.

Daaneeli 7:4

Shiichiꞌi kechito daaheroon shaahoone; booyee qoshoommi qoshechone. Ciinnaa ta beetaa, bi qoshoo waaxehe. Ebi cooxon kaama tiijjiꞌi, ashichoommon gutte baatoona bi neexemmoyich tuniiheete. Ashi mulloo biich ichehe.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Maatiyoosi 24:28

Dubeno beetooch aakkeenaꞌo kiceyemminaꞌone” iye.

1 Qorontoosi 14:21

“Doono Yeeri, ‘Baribare noonoon yibbaateebeeti asheenaꞌonaa dallaawe asheenaꞌonochi noonoona hini asheenaꞌoyich yibbaatemmo taane; ebi bi tunetaanoona waayeyaachemminaꞌone’ ii beetone” getaa Muusichi Sheerooch kooreetone.