38 “Ne budooch wodde yaroon daami shookkemmo neene; tunebaani gechoo maa aalliitaa, aroochee ne macemmo giishechooniye.
“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,
Tunebaani gawukkoo ne qayigaata, ne showoo bulliich gechoon yaach deejjemmo taane.
Aashire aangee woyinee goyoochee hiyaa gutte neetiree woyinee uyo baach danemmone; ikke xaanee yaroon shoohaa keejje qunnee maayo baach maceyemmone” itone.
Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.
Temicho maataa echeti maayoon shiwureebeeti gechoo maahe; shiwureebeeti gechoo maataa echeton, huggii aalliibeeti gechoo maahe; huggii aalliibeeti gechoo maataa echeton, gurimaashe gechoo maahe.
Giidechi ginee naayo tuneti, shiwureebeeti gechoon, huggii aalliibeeti gechoon, gurimaashe gechoonaa temichoonon, ittoshich ta deejjiti natinaꞌooch boonoshi aalliiti maayoon, ta ittoshich qoccemmo taane.
Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.
“Wooqoonaa cindoonon deejjaꞌa ittoshi maayoon aalliihoye. Ittoshi daaddee goyoonaa woyinee goyoonon, balaasee mixonaa zayitee mixonon gechoo aalliihe. Tunebaani ta waan wotteyaano ittoshine, iye Doono Yeeri.
Yaroon shookkemmo ittoshine; tunebaani maayoon maci giijjaachemmo ittoshine. Zayitee michi aafoochee zayitoon hiiccemmo ittoshine; tunebaani ittoshi achooch huuteyaachemmo ittoshine. Woyinoon hiiccemmo ittoshine; tunebaani woyinee uyoon uyaachemmo ittoshine.
Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.
Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye.
“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.
Ne mixinaꞌonaa ne showooch aafeebeeti mooyo bullinon gechoo aalliyemmone.