Yibbaatoo 28:37 - Kafa Linguistics Project

³⁷ Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.

Yibbaatoo 28:37 ပူးပေါင်းရင်းမြစ်များ

2 Kiinoo 7:20

ittoshich ta immeti showoochee ittoshin waaxxemmo taane; ta shigo arooch bi beeyemmoyich ta yaafiti hini yaafee kexon duppemmo taane; aageteenaꞌo bulli ebi mooyon tochibee cooqqiremmoyich tuniyemmo taane.

Erimiyaasi 19:8

Hini katemoo wuche, bi getteyemmonaa bi toommooch shenneyemmonoyich tuniyemmo taane; aroona besheebeeto bulli bi toommooch kinditi naxoyich wuche, getibee shennemmone.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 29:18

Goraadoona, shaacoona, biiyoonoo boonoshin yookkemmo taane; boonoshin ta yookketi taatittino bulliichaa, wuche, getteetinaꞌo boonoshin tuniyemmo taane; boonoshin ta yookketi aagetoo bulli daggoochoo ufo, keqqoo, boonoshi toommooch shokkeyoonaa cooneyoonoyich tuniyemmo taane;

Shoosho 3:45

Aageteenaꞌo daggooch noon guudoonaa hippaafoonon tuniihine.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Yoꞌeeli 2:17

Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Yibbaatoo 28:28

Doono Yeeri neen geyiyemmone; ne aafoon wolliyemmone; ne mulloonoo baalliyemmone.