Yibbaatoo 28:36 - Kafa Linguistics Project

³⁶ “Doono Yeeri ne woyee ne qaabbechinaꞌo ariyaani aagetooch, neennaa ne toommooch ne taatiiti taatoona hammemmoyich tuniyemmone. Aroochaa mixonaa xaqqoonoochee shuuneeti nuggisheenaꞌoyich goyinne maddemmo neene.

Yibbaatoo 28:36 ပူးပေါင်းရင်းမြစ်များ

2 Taateenaꞌo 25:11

Aroochee taatoo quyee naayinaꞌochi iraashoo Naabuzaridaani Yerusaalem echeti asheenaꞌo bullin, koyoon qajjiꞌi Baabloonee taatoo waan wottetinaꞌonaa eche dofee asheenaꞌonon keccii Baabloonee showooch daammiye.

2 Taateenaꞌo 25:21

Baabloonee taatoo boonoshin yexxiihe; Hamaatee showooch beeti Ribilaa boonoshin wuxiihe. Ebiyoommon Yihudee asheenaꞌo boonoshi showoochee kecaa hammiyeete.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

2 Kiinoo 36:1

Yihudee asheenaꞌo Yosiyaasi bushoo Yoꞌakaazin bi nihoochi xaaꞌooch Yerusaalemaa taatiiheete.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

2 Kiinoo 36:20

Goraadoochee muricciti cureenaꞌon kecciꞌi, Baabloonee showooch daammiye. Faariisee taatoo taatemmi wottoon, biinnaa bi shiijjereenaꞌonoyich guuno tuneꞌi maddee beeheete.

2 Kiinoo 36:6

Baabloonee taatoo Nabukadinatsori Yihudee showoon kochii yechiye; Yoyaqiimin gooshee qoqqaannoona cuchiꞌi Baabloonee showooch daammiye.

Isiyaasi 39:7

Ne shiyeti, ne hajjee bushiisheenaꞌoochee ikkikkeenaꞌo kecaa hammemminaꞌone; guruusho tuneree Baabloonee taatee kexooch maddemminaꞌone” iye.

Erimiyaasi 15:14

Qaaqqoommi ta kaaro ittoshi toommooch kindemmone; ittoshi ariyaanee showoochaa ittoshi etteenaꞌoyich ittoshi maddemmoyich tuniyemmo taane” iye.

Erimiyaasi 16:13

Ebich hini showoochee ittoshinaa ittoshi qaabbechinaꞌona ariyaani showooch ittoshin yugemmo taane; ittoshich ariqqeyaachemmo ta tunetoyich, aroochaa bare nuggisheenaꞌoyich areddoonaa xumoonon maddemmo ittoshine’ gete” iye.

Erimiyaasi 39:1

Yihudee taatoo Sedeqiyaasi taateti yiixiyinnee natoobee aashirinnee agenooch Baabloonee taatoo Nabukadinatsorinaa bi ginee naayinaꞌo bullina waaꞌi Yerusaalemin kocha giichiyeete.

Erimiyaasi 9:15

Ebich Israꞌeelee Nuggishoo Beshe Mawe Doono Yeeri ta, hini asheenaꞌo caame maayoon boonoshi maayemmonaa xuppattee aacon boonoshi uchemmonoyich tuniyemmo taane;

Shoosho 2:9

Uxeree kelleenaꞌo showee dechiich giyiyeete; tuggeenaꞌonoo tiichii aalliihe; taatoonaa bi iraasheenaꞌona boonoshi beeto, kecooch, aageteenaꞌo showoochiye; illa sheeroon doyoo echetone; keemechinaꞌoo Doono Yeer waanee yaaꞌoon beegaachemminaꞌone.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Hiziqeeli 11:9

Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.

Hiziqeeli 20:39

“ ‘Israꞌeelee macceenaꞌote, ittoshichon Nuggishoo Doono Yeeri ishichiye: Illa ebiyee bekk ta getoon waayeyaache ittoshi getigaata, ittoshi ikkikkoona hamiree ittoshi shahalloyich goyinnebote; tunebaani ebiyee bekk yaafe ta shigoon ittoshi buuroona, shahalloonoo eeꞌiyaachemmo ittoshine.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

Yibbaatoo 4:28

Ebi aroochaa ciinon woyee waayoon woyee mamon woyee shiiqqoon hakkaani, mixoochee woyee xaqqoochee, ashi kishoona shuuneeti nuggisheenaꞌoyich goyinne maddemmo ittoshine.

1 Saameeli 12:25

Tunebaani gondee shuunoochee wotteyaache ittoshi getigaata, ittoshinaa ittoshi taatoona aallemmo ittoshine” iye.