Yibbaatoo 28:31 - Kafa Linguistics Project

³¹ Ne aafoona ne ciini beetaa, ne gattoo basheyemmone; tunebaani bi meenoochee ciroona maataachemmo neene. Ne kuro ne aafoochee bogaa hammemmone; tunebaani neech wochaa icheyaachemmone. Ne bago ne ettoyich ichemmone; neen gaachemmo aallemmone.

Yibbaatoo 28:31 ပူးပေါင်းရင်းမြစ်များ

Iyoobi 20:28

Yeerichi kaaree aabooba, bi kexon ambamboo hidi daammemmone.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Erimiyaasi 5:17

Budeexi ne maayoonaa kexeexi ne maayoonon, maa aalliyemminaꞌone; ne anaami bushiisheenaꞌonaa ne maache bushiisheenaꞌonon wuxemminaꞌone; ne bageenaꞌonaa ne miiminaꞌonon bashi maayemminaꞌone; ne woyinoonaa ne balaasoonon aalliyemminaꞌone; ne gibenaabeeti manje ne katemeenaꞌon happi, asheenaꞌon goraadoona wuxemminaꞌone” iye.

Yibbaatoo 28:30

“Mecheen shaagga maakkiyemmo neene; tunebaani baroo daamiree biin qeyemmone. Kexon haggemmo neene; tunebaani arooch beetaachemmo neene. Woyinoon bechemmo neene; tunebaani bi aafoon maataachemmo neene.

Yibbaatoo 28:32

Ne anaami bushiisheenaꞌonaa maache bushiisheenaꞌona, ne ciini beetaa, bare showee asheenaꞌoyich beshiitaa ichemminaꞌone. Boonoshin echiyoyich giidoon muccemmo neene; ‘Woyemminaꞌone’ geti qemi qemona ciinibee taahemmo neene.

Woraaferasheenaꞌo 6:1

Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin shabaatte naton Miidiyameenaꞌo kishooch beshiiꞌi immiye.

Woraaferasheenaꞌo 6:4

Boonoshi showooch waa kaamboon geddiꞌi, Gaazi katemooch beddaahaa beeti boonoshi maayoon aallii beeheete. Boonoshi gijjoo bullin, ebiyoo bagoon, miimonaa kuroonon gashee daammiibee, boonoshi yeshi deqqemmi amee mooyonona mucciiheete.