Yibbaatoo 28:30 - Kafa Linguistics Project

³⁰ “Mecheen shaagga maakkiyemmo neene; tunebaani baroo daamiree biin qeyemmone. Kexon haggemmo neene; tunebaani arooch beetaachemmo neene. Woyinoon bechemmo neene; tunebaani bi aafoon maataachemmo neene.

Yibbaatoo 28:30 ပူးပေါင်းရင်းမြစ်များ

2 Saameeli 12:11

“Andoo Doono Yeeri ishichiye: ‘Ebiyoche, ne hajjee kechi ashi daggoochee gonde mooyon ne toommooch tiijjemmo taane. Ne ciini beetaa, ne mecheenaꞌon daamiree bare ashich immemmo taane. Areddee aaboona ne mecheenaꞌona tookki qeyemmone.

Iyoobi 20:18

Caajjeꞌi bi daneton wochiree immehani maataachemmone; giixeꞌi bi danetona emiraachemmone.

Iyoobi 3:18

Ebi aroochaa, keccetinaꞌo diggoona kotemminaꞌone; magge shuunoon shuuniyechinaꞌochi noggoon waayeyaacheminaꞌone.

Iyoobi 31:10

ta mechee bare ashi maayoon yiikkebuye; ta mecheen bare asho qebe.

Isiyaasi 62:8

Doono Yeeri bi qanne kishoona, giidechi bi mochoonoo ishichiꞌi wogehe: “Ne maayoon ne etteenaꞌo maayemmoyich ciroona wochinnoon tuniyaachemmo taane; ne aajjeti woyinee uyoonoo shiqqeenaꞌo ciroona wochinnoon uyaachemminaꞌone.

Erimiyaasi 12:13

Teepphoon shookkiyeete; guccinon qecciyeete; aajjiyeete; tunebaani amoonolla boonoshich gaacaanoone; Doono Yeerichi kupphe kaaroochee tiyitona boonoshi marehooba yeellemminaꞌone” iye.

Erimiyaasi 6:12

Showooch beetinaꞌo toommooch ta kishoon yaggemmo ta tunetoyich, boonoshi kexinaꞌo, boonoshi goyeenaꞌonaa boonoshi mecheenaꞌona ikkittinoona bareenaꞌoyich tunemminaꞌone” iye Doono Yeeri.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Shoosho 5:11

Maacheenaꞌo Tsiyoonaa, gidiideenaꞌoo Yihudee katemeenaꞌoochaa, giidoona yeshaa mecheheete.

Shoosho 5:2

No iristo bare showee asheenaꞌoyich, no kexo dallaaweenaꞌoyich tunehe.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Mikiyaasi 6:15

Yaroon shookkemmo ittoshine; tunebaani maayoon maci giijjaachemmo ittoshine. Zayitee michi aafoochee zayitoon hiiccemmo ittoshine; tunebaani ittoshi achooch huuteyaachemmo ittoshine. Woyinoon hiiccemmo ittoshine; tunebaani woyinee uyoon uyaachemmo ittoshine.

Imbaaqoomi 3:17

Balaasee mixo aafemmon bi qajjitaanona woyinee qombooch aafo aalletaanona zayitee mixo bi dobbetaanona budooch maayo shago qajjitaanona bago dogoochee ciiretaanona miimo maggooch aalletaanona

Sofoniyaasi 1:13

Boonoshi gaanno kecceyemmone; boonoshi kexoo tiishemmone. Kexon haggemminaꞌone; tunebaani arooch beetaachemminaꞌone. Woyinoon bechemminaꞌone; tunebaani woyinee uyoon uyaachemminaꞌone” iye.

Yibbaatoo 28:31

Ne aafoona ne ciini beetaa, ne gattoo basheyemmone; tunebaani bi meenoochee ciroona maataachemmo neene. Ne kuro ne aafoochee bogaa hammemmone; tunebaani neech wochaa icheyaachemmone. Ne bago ne ettoyich ichemmone; neen gaachemmo aallemmone.