Yibbaatoo 28:29 - Kafa Linguistics Project

²⁹ Biich manderetaa, shafeebeeti aaf doogoochoommon, areddee aaboona shafebee shaꞌemmo neene. Ne shuunaabeeti mooyo aabinona neech kaameyaachemmone. Bulli aaboon neexaa hajjeyemmo neene; bokkemmo neene; neen gaachemmo aalloone.

Yibbaatoo 28:29 ပူးပေါင်းရင်းမြစ်များ

Halloo 19:11

Aroochee maaxona beeti asheenaꞌon, giishoochee oogooch beddaahaa, bullichi aafoon daayiiheete; ebich kechi kelloon daneya qaawiibee mucceꞌi maraateheete.

Nehimi 9:37

No axaaxee naboona are showoochee daneebeeti gaanno giyiibeeto, no toommooch ne taatiiti taateenaꞌoyichiye; no ashittinoonoo hajjiyeete; no gijjeenaꞌon boonoshi shunnitoommon tuniiheete. Nowoo ooge iritoochiye no beeto.

Iyoobi 12:25

Bekko aalli manderoona shafebee boonoshi hammemmoyich, masheti ashochoommon boonoshi tattellemmoyich, tuniihe.

Iyoobi 5:14

Areddoo boonoshich xumemmone; xumi manderoona shafoommon areddee aaboona shafemminaꞌone.

Keyo 10:21

Aroochee Doono Yeeri Muusin “Gibitsee showoo bulliich dunne manderoo kindemmoyich ne kishoon shimaajj yaggibe” iye.

Isiyaasi 59:10

Aaf doogoochoommon xaqqee uxeree daggoochaa gaawgaawimiyone; aafaalleenaꞌochoommon gaawgaawimiyone; manderooch beetochoommon areddee aaboona tepheehone; giidechi asheenaꞌo aafoochaa qite asheenaꞌoommon tunehone.

Erimiyaasi 9:19

“Aabichii aallehone! Ciroona cooneeto noone! No kexinaꞌo happeetoyich showoon duppeto noone” ii beeti eeppi qaaro Tsiyoonee waayeehe.

Shoosho 4:14

Aaf doogoochoommon, gommona yallyallimiyeete; damoona eeꞌetinaꞌo boonoshi tunetoyich, koniyoona boonoshi tahoon yeshaache.

Shoosho 5:17

No mullo biiyetone; no aafo doojjitone.

Shoosho 5:8

Guuninaꞌo no toommooch taateheete; boonoshi kishoochee noon wodiyemmo aalloone.

Sofoniyaasi 1:17

Doono Yeeri ishichiye: “Axaaxoon shuunoona taan boonoshi xuqqitoyich, aaf doogoochoommon boonoshi shaꞌemmi wottoon duꞌoon ashi toommooch deebemmo taane. Boonoshi damoo aacochoommon ufemmone; boonoshi dubenoo guudoo duppeyoommon, danemmooch duppeyemmone” iye.

Mishiraachechinaꞌo 21:24

Eboshin yeshiree boonoshina tookki xallebe; boonoshi xallemmi deejjee gijjoonoo boonoshich qoce. Arooba boonoshi qelloonoo cakkoon hakkemminaꞌone. Eboshi bullin ne tuniigaata, ne toommooch yibbaateebeeto kooto bi tunoon, ne qelloona Muusichi Sheeroon ne quyoon ariyemminaꞌone.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Yibbaatoo 28:28

Doono Yeeri neen geyiyemmone; ne aafoon wolliyemmone; ne mulloonoo baalliyemmone.

Woraaferasheenaꞌo 10:8

Boonoshiyoo aroobee naton Israꞌeeleenaꞌon yiikkee neexxii hajjiyeete. Yoordaanoosi aachee beqach, Amooreenaꞌo showooch, ebiyoo Gilaadee showooch beeti Israꞌeeleenaꞌo bullin aaraa shimitte nati wottoon neexxii hajjiyeete.

Woraaferasheenaꞌo 13:1

Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin aabbe nati wottoon Filsixeemeenaꞌo kishooch beshiiꞌi immiye.

Woraaferasheenaꞌo 3:14

Ebina Israꞌeeleenaꞌo Moꞌabee taatoyich aaraa shimitte naton hajjeeheete.