Yibbaatoo 28:27 - Kafa Linguistics Project

²⁷ Doono Yeeri Gibitseenaꞌochi toommooch bi deejjitoommi biiyoona ittoshi xuuxemmoyich tuniyemmone. Gaaboonaa mayonon ne achooch kichemmone; ne qeddo bulli yaashemmone; huceshoo gettemmone; ebi biiyoochee wodaachemmo neene.

Yibbaatoo 28:27 ပူးပေါင်းရင်းမြစ်များ

Shoddo 78:66

Bi etteenaꞌon gubb wochii yookkiye; bulli aaboon boonoshi yeellemmoyich tuniihe.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Keyo 9:10

Ebich boonoshiyoo qaaqqee gudoochee tulloon uchii daammiꞌi, Farooni aafooch neexeheete. Muusiyoo ebi are tulloon shimaajj shakkiye. Asheenaꞌonaa gijjeenaꞌonochi toommooch mayiibeeti gaaboo kechiye.

Keyo 9:11

Gibitsee kaayechinaꞌo Muusi aafooch neexoon hakkaaneenaꞌone; ebiyoo boonoshinaa Gibitsee asho bullinochi toommooch gaaboo kechitoyichiye.

Keyo 9:9

Gibitsee showoo bulliich quttoo tunemmone; are showoo bulliich beeti asheenaꞌonaa gijjeenaꞌonochi toommooch mayiibeeti gaaboo kechemmone” iye.

Isiyaasi 3:17

Ebich Doono Yeeri Tsiyooni maache bushiisheenaꞌochi qello xoremmoyich tuniyemmone; Doono Yeeri boonoshi maache achoon shokko echiyemmone” iye.

Leweenaꞌo 21:20

woyee kukko woyee deekko woyee aafee biiyecho woyee quciibeeti biiyo woyee xambiti mayo bi achooch beeto woyee guruusho maayi buuroon giddiyoyich woyaaye.

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Yibbaatoo 28:28

Doono Yeeri neen geyiyemmone; ne aafoon wolliyemmone; ne mulloonoo baalliyemmone.

Yibbaatoo 28:35

Doono Yeeri wodaani, shajjiriibeeti gaaboona ne gutenoonaa ne borboroonon, ne baatoochee tiijjiꞌi ne shimbooch beddaahaa beeti ne ashittino bullin yexxemmone.

Yibbaatoo 7:15

Doono Yeeri biiyo bulliichee neen quyemmone; Gibits beechaa ne ariibeeti, shattii giiriiti biiyeenaꞌon neen shixxii beetinaꞌo toommoochani, ne toommooch deebaachemmone.

1 Saameeli 5:12

Qitoochee muriccitinaꞌon gaaboo oogichiꞌi bi qaakkiitoyich, are katemeexi asheenaꞌo cookoo shimaayooch kechiye.

1 Saameeli 5:6

Doono Yeeri Ashidoodi asheenaꞌon naxeꞌi oogichii keqqichiye. Boonoshinaa boonoshi guudoona beeti asheenaꞌonon gaabee biiyoona yexxiye.

1 Saameeli 5:9

Arooch boonoshi daammitoyee gubb, Doono Yeeri are katemeexi asheenaꞌon naxehe. Boonoshi toommoochoo oogeti keqqoon deebiye. Giisho oogoo getaanoon, are katemeexi asheenaꞌo toommooch gaabee biiyoon deebiꞌi boonoshin yexxiye.