Yibbaatoo 28:25 - Kafa Linguistics Project

²⁵ “Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:25 ပူးပေါင်းရင်းမြစ်များ

1 Taateenaꞌo 8:33

“Ne asheenaꞌo tuneti Israꞌeeleenaꞌo axaaxoon shuuneꞌi neen boonoshi xuqqitoyich, boonoshi etteenaꞌo boonoshin kochii wochaa, ne waan wotteꞌi, ne shigoon boonoshi ceegigaata, hini yaafee kexooch waaꞌi, ne waan boonoshi corootigaata, neen boonoshi qollegaatoo,

2 Kiinoo 28:8

Yihudee asheenaꞌo boonoshich meechi xibeenaꞌo boonoshi tunetaanoona Israꞌeeleenaꞌo gutte balle hume genneenaꞌon, anaami bushiisheenaꞌonaa maache bushiisheenaꞌonon kecciyeete. Ebiyoommon wodde kecoonoo yechiꞌi, Shamaara wotteheete.

2 Kiinoo 29:8

Ebich Doono Yeeri kaaro Yihudee showoonaa Yerusaaleminooch kindiye. Ittoshi aafoona ittoshi beeggii beetoommon keqqooch, wuche getteyoonaa cooqqireyoonooch boonoshin beshiiꞌi immiye.

2 Kiinoo 6:24

“Ne asheenaꞌo tuneti Israꞌeeleenaꞌo axaaxoon shuuneꞌi neen boonoshi xuqqitoyich, boonoshi etteenaꞌo boonoshin kochii wochaa, ne waan wotteꞌi, ne shigoon boonoshi ceegigaata, hini yaafee kexooch waaꞌi, ne waan boonoshi corootigaata, neen boonoshi qollegaatoo,

Isiyaasi 30:17

Ikke ashi miicho ittoshi daggoochee humeenaꞌon yoohi aalliyemmone; uucheenaꞌochi miicho ittoshi bullin yoohi aalliyemmone; ittoshi bulli woccii aallemmona, echeti giishecheenaꞌo guudi toommeexi baanderee mixochoommon, geppee toommeexi malletoochoommon tuneree echemminaꞌone” itone.

Erimiyaasi 19:7

“ ‘Hini xaaꞌoochaa Yihudee asheenaꞌonaa Yerusaalemi katemee asheenaꞌonochi koceyoon happemmo taane; boonoshi asheenaꞌo, goraadoona boonoshi etteenaꞌo aafooch, wottoo boonoshi kashoon qaawii beetinaꞌo kishooch boonoshi dihemmoyich tuniyemmo taane; boonoshi dubenoon shimaajji gaceenaꞌonaa kubbi cooxinaꞌonoyich maayoon tuniiree immemmo taane.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 29:18

Goraadoona, shaacoona, biiyoonoo boonoshin yookkemmo taane; boonoshin ta yookketi taatittino bulliichaa, wuche, getteetinaꞌo boonoshin tuniyemmo taane; boonoshin ta yookketi aagetoo bulli daggoochoo ufo, keqqoo, boonoshi toommooch shokkeyoonaa cooneyoonoyich tuniyemmo taane;

Erimiyaasi 34:17

“Ebich Doono Yeeri ta ishichiyoye: Asho bi ikkikkoona bi manoonaa bi xiboonon, gawukkoyich awaajjoo bi qajjitoyich, taach deꞌa getaano ittoshine; ebichoo ta, goraadoon, biiyoonaa shaacoonon ittoshi toommooch awaajjemmo taane. Ittoshi toommooch shaggiti mooyona showee toommeexi taatittino bulli keqqemmoyich tuniyemmo taane.

Hiziqeeli 23:46

Nuggishoo Doono Yeeri ishichiye: “Dofee ashoon boonoshi toommooch deebe; boonoshin keqqoonaa bosheeyoonoyich beshiiree imbe.

Hosee'i 8:3

Tunebaani Israꞌeeleenaꞌo gaawe mooyon boonoshi hoxetoyich etto boonoshin yookkii beetone.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yibbaatoo 28:7

“Doono Yeeri ne toommooch tiyiibeeti ne etteenaꞌon koyi ne wochemmoyich tuniyemmone; ikke gommona waaree neenna koyemminaꞌone; tunebaani shabaatte gommona ne aafoochee woci aallemminaꞌone.

Yibbaatoo 32:30

Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.

Yaasi 7:4

Ebich keejje hum bedeenaꞌo baach arooch hammii koyeheete. Tunebaani Aayi asheenaꞌo aafoochee wocee aalleheete.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.

1 Saameeli 4:10

Ebina Filsixeemeenaꞌo koyeheete; Israꞌeeleenaꞌonoo kochii wochiyeete. Israꞌeeleenaꞌoo boonoshi duukkaani duukkaanooch woceheete. Arooba meeti asho ciirehe. Israꞌeeleenaꞌoochee shaashe hume ginee naayinaꞌo qitiyeete.