Yibbaatoo 28:22 - Kafa Linguistics Project

^22-23 Doono Yeeri shattiiti biiyoon deejji ittoshin bi yexaa, ittoshich bi immiibeeti showoochaa ittoshi bulli qiti ciiremmo ittoshine; maajjiibeeti biiyoona, gaaboonaa baribare qeddee gaamee biiyoonoo xuuxemmo ittoshine. Doono Yeeri ittoshiyee damba beeti shimaayoochee amiyon aalliitaa, ittoshiyee desh beeti showoo xuuroo wogoommon wogemmone; gaamiibeeti yongoonaa cindoonon deejji ittoshi maayoon aalliyemmone.

Yibbaatoo 28:22 ပူးပေါင်းရင်းမြစ်များ

1 Taateenaꞌo 17:7

Amiyo dihoo qajjitoyich, giishechoon yagiichii, are aaco tahiye.

1 Taateenaꞌo 8:37

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

2 Kiinoo 6:28

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 16:4

Gonde biiyoona qitemminaꞌone. Boonoshich eeppeyaachemmone; dukkeyaachemminaꞌone; showee toommooch guudoochoommon qixeyemminaꞌone; goraadoona, shaacoonoo aallemminaꞌone; boonoshi dubeno shimaajji gaceenaꞌonaa kubbi cooxinaꞌonoyich maayo tunemmone.

Leweenaꞌo 26:16

naxoon, maajjiibeeti biiyoon, aafoon yaamiibeeti, dallii muujjiibeeti qeddee gaamoon ittoshi toommooch deebemmo taane. Maayoon shookkemmo ittoshine; tunebaani ittoshi etteenaꞌo bogi maayemminaꞌo tunetoyich ittoshich amoonolla gaacaachemmone.

Amootsi 4:9

“Wooqoonaa cindoonon deejjaꞌa ittoshi maayoon aalliihoye. Ittoshi daaddee goyoonaa woyinee goyoonon, balaasee mixonaa zayitee mixonon gechoo aalliihe. Tunebaani ta waan wotteyaano ittoshine, iye Doono Yeeri.

Haagi 1:11

Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.

Haagi 2:17

Wooqoon, cindoonaa baderoonon deejjaꞌa aajjii ittoshi gochiti maayoon aalliihoye. Tunebaani ta waan wotteyaano ittoshine.

Haagi 2:19

And gotooch echeti maayo aalloone; woyinee qomboo, balaasee mixo, romaanee mixonaa zayitee mixona batt aafeyaaneenaꞌone. Tunebaani ta ebiyee damba ittoshin diiremmo taane’ itone” iye.

Zakaariyaasi 14:12

Yerusaalemin kocha tiyiti aageteenaꞌo toommooch Doono Yeeri kupphe biiyoon deebemmone. Batt baatoona neexe boonoshi beetaa, boonoshi meeno oqqemmone; boonoshi aafo bi qophoochaa, boonoshi heciyoo kookkoochaa oqqemmone.

Yibbaatoo 32:24

Shaacoonaa achee gaamoona qiti ciiremmo ittoshine; kupphe biiyoonoo qiti ciiremmo ittoshine. Ittoshin bi maayemmoyich kubbi cooxon, ittoshin bi wuxemmoyichoo qoppiibeeti dingeroon deejjemmo taane.

Yibbaatoo 4:26

Ittoshi toommooch boonoshi miixemmoyich shimaayoonaa showoonon hanaach ceeggaabeeto taane; ebin deꞌa getaache ittoshi getigaata, Yoordaanoosin kimi hamiree ittoshi hajjemmi showoochee kaateree aallemmo ittoshine; arooch meeti yemeenoon koteyaachemmo ittoshine; ciroona aallemmo ittoshine.