Yibbaatoo 28:15 - Kafa Linguistics Project

¹⁵ Muusi Israꞌeeleenaꞌoyich ishichiye: “Tunebaani ne Nuggishoo Doono Yeerichi qaaroon waayoon ne qayigaata, hanaach neech ta gettaabeeti geteenaꞌonaa qociyeenaꞌonon manjii quyo ne qayigaatoo, ebi ufo bulli ne toommooch shaggemmone; neenoo yechemmone.

Yibbaatoo 28:15 ပူးပေါင်းရင်းမြစ်များ

Halloo 3:14

Arooba Nuggishoo Doono Yeeri dingeroyich ishichiye: “Ebin ne tuniitoyich, gijjeenaꞌonaa cooxinaꞌo bullinoyee bariree, uppeto tunemmo neene; ne beeyemmi yemeeno bullin ne tefoona yuummemmo neene; showoonoo maayemmo neene.

Halloo 4:11

Illa ebiyee bekk uppeto neene; ne ukkiti ne manoo damoon ucha bi kookkoon gaxxiti hini showee toommoochee yookketo neene.

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

2 Kiinoo 12:5

Aroochee keemechi Shemayaahi Shishaaqin shattiꞌi, Yerusaalem kiceeti, Roboꞌaminaa Yihudee iraasheenaꞌona waan waaꞌi, boonoshich, “Doono Yeeri ishichiye: ‘Taan ittoshi qajjitoyich, tawoo ittoshin Shishaaqichi kishooch duppehoye’ itone” iye.

2 Kiinoo 34:24

‘Doono Yeeri ishichi beetone: Gonde mooyon, ebiyoo Yihudee taatoo aafoochaa shemmeeti macaafooch kooreeti ufo bullin, hini xaaꞌoonaa arooch beetinaꞌonochi toommooch deebemmo taane.

2 Kiinoo 7:19

“Tunebaani neennaa ne asheenaꞌona taan qajjiꞌi ittoshi wottegaata, ittoshich ta immeti doyoonaa sheeroonon ittoshi qayigaata, hammiinoo bare nuggishoyich ittoshi goyinnee madde gaatoo,

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Erimiyaasi 11:8

tunebaani babberee, boonoshi gonde gaboona hammiyeetani taach deꞌa getaaneenaꞌone; boonoshi waamon ta waan gaꞌiyaaneenaꞌone; wogoon boonoshi quyemmoyich ta getteti getoon waayoon boonoshi qajjitoyich, ebi wogeexi naxoon boonoshi toommooch deebehoye’ itone gete” iye.

Erimiyaasi 26:4

“Boonoshich Doono Yeeri ishichiye: ‘Ittoshich ta immeti sheeroona beemoyich taachon waayoon,

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Erimiyaasi 36:31

Ta biin, bi bushiisheenaꞌon, bi iraasheenaꞌon, boonoshi gondoyich naxemmo taane; taachon waayo boonoshi qajjitoyich, boonoshi toommooch deebemmo taane ta iti aallo bullin boonoshinaa Yerusaalem beeyechinaꞌona toommooch, Yihudee asheenaꞌo toommoochoo deebemmo taane, itone gete” iye.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Erimiyaasi 40:2

Quyee naayinaꞌochi iraashoo Erimiyaasin daammiꞌi biich ishichiye: “Ne Nuggishoo Doono Yeeri ebi gonde mooyon hini xaaꞌooch awaajjitone;

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Hosee'i 7:12

Boonoshi biitigaata ta dabboon boonoshi toommooch yaggemmo taane. Shimaajji gacoochoommon geechi kindiyemmo taane. Boonoshi gonde shuunoyich boonoshin sheeremmo taane.

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Yibbaatoo 11:28

Tunebaani ufo ittoshi toommooch bi tunemmo, ittoshi Nuggishoo Doono Yeerichi getoon quyo ittoshi qayigaata, hanaach ittoshich ta gettaabeeti getoona hamon qajjiꞌi, ittoshi ariyaani bare nuggisheenaꞌon dabboyich badd ittoshi wottegaatane.

Yibbaatoo 28:2

Ne Nuggishoo Doono Yeerichi qaaroon ne waayegaata, ebi diireenaꞌo bulli neech tunemminaꞌone; neenoo yechemminaꞌone.

Yibbaatoo 28:45

“Ne Nuggishoo Doono Yeerichi qaaroon waayo ne qajjetoyich, wotta bi getoonaa bi qociyoonon ceechaa quyo ne qajjetoyich, neen bi aalliimmi wottoon, ebi ufo ne toommooch shaggemmone; neen yoohi dabbiree yechemmone.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yaasi 23:15

Tunebaani ittoshi Nuggishoo Doono Yeeri ittoshich bi gibenikkiti gaawe mooyo bullin bi ceechoommon, ebiyoommon ittoshi Nuggishoo Doono Yeeri ittoshich bi immiti gaawe showoochee ittoshin bi aalliimmi wottoon, bi gettiti gonde mooyo bullin ittoshi toommooch deebemmone.

Yaasi 23:16

Ittoshi Nuggishoo Doono Yeeri gettiti wogoon ittoshi shaaddegaata, hammiꞌi bare nuggisheenaꞌoyich ittoshi goyinnee maddegaata, Doono Yeeri kaaro ittoshi toommooch cufemmone; ittoshich bi immiti gaawe showoochee kaateree aallemmo ittoshine” iye.

Woraaferasheenaꞌo 2:15

Koyoyich boonoshi kechimmi aabo bullin, Doono Yeeri “Tuniyemmo taane” iꞌi bi wogetoommon, boonoshi toommooch magge mooyon tunii beehe. Ebina boonoshiyoo oogeton xuuxeheete.

1 Saameeli 4:10

Ebina Filsixeemeenaꞌo koyeheete; Israꞌeeleenaꞌonoo kochii wochiyeete. Israꞌeeleenaꞌoo boonoshi duukkaani duukkaanooch woceheete. Arooba meeti asho ciirehe. Israꞌeeleenaꞌoochee shaashe hume ginee naayinaꞌo qitiyeete.