Yibbaatoo 28:12 - Kafa Linguistics Project

¹² “Doono Yeeri shimaayeexi bi goonoochee amiyon yarimmoona ne showooch dichiree, ne kishoona ne shuuneto bullin diiremmone. Ebich meeti aageteenaꞌoyich erettiyemmo neene; tunebaani ne, koni waaneenona eretteyaachemmo neene.

Yibbaatoo 28:12 ပူးပေါင်းရင်းမြစ်များ

1 Taateenaꞌo 18:1

Meeti aabo beshetoyee gubb, keejjinnee natooba, Doono Yeeri Eliyaasich, “Hamiree Akaabich bekkebe; showee toommooch amiyon dichemmo taane” iye.

Iyoobi 38:22

“Kecho kiceebeeti kexooch giyi beeyenne? Baderoo kiceebeeti kexon beegi beeyenne?

Shoddo 135:7

Showee tuggoochee quboon qubiihe; amiyoo dihiyooba xeeyoon xeejjiihe; yongoon bi gotoochee kichiye.

Shaahiyoo 22:7

Gaannecho girechon hajjiye; eretteto erettiitoyich guunone.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Leweenaꞌo 26:4

amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.

Yibbaatoo 11:14

Ebin ittoshi tuniigaata, biyoo ittoshich naawee amiyonaa yoochi amiyonon bi goori gooroona bi dichaa, maayoon, woyinoonaa zayitoonon maci kicemmo ittoshine.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yibbaatoo 15:10

Ne kishoon maggii, mulloochee tiijjiree biich imbe. Ebina Doono Yeeri ne kishoona ne shuuneti mooyo bullina neen diiremmone.

Yibbaatoo 15:6

Ne Nuggishoo Doono Yeeri neech bi gibenikkitoommon, neen diiremmone. Newoo meeti aagetoyich erettiyemmo neene; tunebaani ne, koni waaneenona eretteyaachemmo neene. Meeti aagetoon hajjemmo neene; tunebaani aagetoo aabiyona neen hajjaachemmone.

Yibbaatoo 23:20

Israꞌeelo tuneyaani asho waanee shimon deꞌon hakkihine. Tunebaani giyi woraashiya ne hammaabeeti showoochaa, ne shuunaabeeti mooyo bullina ne Nuggishoo Doono Yeeri neen bi diiremmoyich, ne manoyich koyitiyaahine.

Yibbaatoo 28:24

Doono Yeeri amichi qoodoyich quttoonaa qacoonon ne showooch dichemmone. Ebiyoo neen bi aalliimmi wottoon, ne toommooch dambee kindemmone.

Yibbaatoo 28:44

Bi neech erettiyemmone; tunebaani biich ne erettiyemmi gijjoo neech aallemmone. Bi, qaro tunemmone; tunebaani ne, ceero tunemmo neene.