Yibbaatoo 27:15 - Kafa Linguistics Project

¹⁵ “ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 27:15 ပူးပေါင်းရင်းမြစ်များ

Halloo 31:19

Bi bageenaꞌo eexon cagga Labaani hammiichaa, Raaheeli bi nihoo terafimeenaꞌon gaajjahan.

Halloo 31:34

Raaheeliyoo ebi shahalleenaꞌon gaalee koree dechiich aachaachaa, aree toommooch kotahan. Labaani duukkaanoo bullin bosheꞌi amoonolla muccehe.

Halloo 9:25

Biyoo ishichiye: “Kanaani uppeton tunebe! Bi maneenaꞌoyichoo guuneexi guunon tunebe” iye.

2 Taateenaꞌo 17:19

Yihudee asheenaꞌoo wotta Israꞌeeleenaꞌo boonoshin dojjiti doyeenaꞌon dabbiyeetani, boonoshi Nuggishoo Doono Yeerichi getoon quyeyaaneenaꞌone.

2 Taateenaꞌo 23:13

Ebiyoommon wotta Yerusaalemaa, aabi-keyo waan, ebiyoo Eeꞌee guudoochaa, deshi-waan beeti, Sidooneenaꞌochi ciigiiti nuggishee Ashitarootich, Moꞌabeenaꞌochi, ciigiiti nuggishoo Kemooshinaa Amooneenaꞌochi, ciigiiti nuggishoo Milikoominoyich taatoo Solomooni shuuniiti, guudi toommeexi goyinnee xaaꞌeenaꞌon eeꞌiihe.

1 Kiinoo 16:36

Bulli yemeenoochee bulli yemeenooch, Israꞌeelee Nuggishoo Doono Yeeri diireebe. Asheenaꞌo bulliyoo, “Ameena” iyeete; Doono Yeerinoo galleteheete.

2 Kiinoo 33:2

Doono Yeeri Israꞌeeleenaꞌo aafoochee yookkii aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

Keyo 20:23

Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Keyo 34:17

“Qaaqqoona wociitaa shuuneebeeti nuggisheenaꞌochi misiloon neech shuuneyaahine.

Isiyaasi 44:13

Anaaxoo mixon woderoona qeellehe; koppoona kooriꞌi boꞌoon kichiye; tachee qiicoona tachiye; ashi shaahoonaa ashi malletoommona tuniiꞌi kexooch kotiihe.

Isiyaasi 44:17

Aroochee echetona shahalloon shuunehe; bi aafoochoo guufee goyinnehe; bi waan corootiibee, “Ne, ta nuggishoo ne tunetoyich taan wodiibe” iye.

Isiyaasi 44:19

Ebi shahalloon shuunee beetinaꞌo daggooch “Ebi michi qaton qaaqqooch shookkehoye; bi gachoona koshon kachiihoye; meenonoo michaꞌa maahoye; illa aabichiree, echetona ciigiiti mooyon tuniyehote? Ebi michi aafooch dihi goyinnehote?” iꞌi yexiiti, ariyecho woyee shalligecho ikkolla aalloone.

Erimiyaasi 11:3

Boonoshichoo Israꞌeelee Nuggishoo Doono Yeeri ishichiye, gete: ‘Ebi wogee qaaroyich deꞌa getaani asho uppeton tunebe;

Erimiyaasi 11:5

Ebi tunegaata, ejjoonaa eeyonon xuupphiibeeti showoon, ebiyoo and boonoshi beeti showoon, imoyich boonoshi qaabbechinaꞌoyich ta wogeti wogoon quyemmo taane’ itone gete” iye. Tawoo, “Doono Yeero, ameena” iyo.

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Erimiyaasi 28:6

“Ameena, Doono Yeeri ebin tuniibe; Doono Yeerichi yaafee kechi qiicoonaa keco bullinon Baabloonee showoochee hini xaaꞌooch wochoona, Doono Yeeri ne keemmeti keemoon ceechibe.

Hiziqeeli 14:4

Ebich boonoshich yibbaatebe; ishichishoo gete: Nuggishoo Doono Yeeri ishichiye: Israꞌeelee maccoochee bi mulloon shahalloyich hajjiichii, ebi bi gonde shuunoon xugoon tuniiꞌi bi aafooch kotiichii, keemecho waan waabeeto koninolla Doono Yeeri ta, ta qelloona bi shahallee meetoommona bi shuunetoommon bi toommooch shuunemmo taane.

Hiziqeeli 7:20

Gaawe boonoshi aachoonaa birewoona geecitinaꞌone; ebi aroona shixxii ciigiiti shahalloon shuuneheete; ebich ebi shashoon boonoshich eeꞌo tuniito taane.

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Leweenaꞌo 19:4

“ ‘Taan qayiree shahalloyich goyinneyaahote. Xuuroon qaaqqoona wocii nuggisheenaꞌochi misiloon shuuneree goyinneyaahote. Ta, ittoshi Nuggishoo Doono Yeeri taane.

Leweenaꞌo 26:1

“ ‘Ta, ittoshi Nuggishoo Doono Yeeri ta tunetoyich, shahalloon ittoshich shuuneyaahote. Xareeti xaqqoon woyee goyinnee xaqqee giimboon ittoshi showooch xogiree, ebi aroyich goyinneyaahote.

Haddoo 5:22

Ufon deebiibeeti ebi aaco ne maacooch giyiree, ne maacoon nafii ne maache achoonoo taxxiibe” gete. “ ‘Ureyoo “Ameena, ameena” getuye.

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

Yibbaatoo 27:14

“Aroochee Leweenaꞌo boonoshi qaaroon oogichiree Israꞌeeleenaꞌo bullich ishichibeete:

Yibbaatoo 4:25

“Bushiishoonaa bushaa bushoonon ittoshi shiyihooba, are showoochoo meeti naton ittoshi kotehooba, shahalloon amee shaahoonona shuunoona axaaxoon shuuneyaahote. Ebi ittoshi Nuggishoo Doono Yeeri shunaani mooyo bi tunetoyich, bi kaaremmoyich tuniyemmone.

Yibbaatoo 5:8

“ ‘Damba shimaayooch, desh showooch, showoyee deshi aacooch beeti mooyoochee amee shaahoonona shuuneeti shahalloochi misiloon neech shuuneyaahine.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Woraaferasheenaꞌo 17:3

Biyoo ebi gijjoon bi indeech wochiye. Bi indeyoo “Hini gijjoon qiicaa shuuneeti shahalloonaa qaaqqooch wociitaa shuuneeti shahalloona shuuneyemmoyich, ta bushoo qoodoon Doono Yeerich immemmi taane. Andoo ebi gijjoon neech wochiree immemmi taane” iyan.

Woraaferasheenaꞌo 17:4

Gijjoon bi indeech bi wochimmona, aroochee gutte balle sheqeelee birewoon daammaa gooshukkoyich immahan. Biyoo qiicaa shuuneeti shahalloonaa qaaqqooch wociitaa shuuneeti shahalloonon tuniiꞌi shuunehe. Ebiyoo Miki kexooch kotehe.

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.