Yibbaatoo 26:5 - Kafa Linguistics Project

⁵ “Newoo ne Nuggishoo Doono Yeeri aafooch ishichi gettemmo neene: ‘Qaabbechi ta nihoo yallyallimiibee echeti Araamee ashoone. Giisheche bi ashoona tookkii Gibits hammiꞌi arooch kotehe. Aroochaa aricheto, giidechonaa meetona tuneti aagetoon tunehe.

Yibbaatoo 26:5 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 25:20

Yisaaqiyoo bi shiijjeti aabbe natona, Ribiqin shaaggiye; Ribiqi Mesopotaamee showooch beeti Araamee asho Batuꞌeelichi busheenaa Araamee asho Labaanichi maneenane.

Halloo 27:41

Bi nihoo Yaaqobin bi diiritoyich, Esayi Yaaqobin shixxiye. Esayi bi mulloona “Ta nihoo and qitiya bedditone. Eefoyee gubb ta manoo Yaaqobin wuxemmo taane” ii gabiye.

Halloo 28:5

Yisaaqiyoo Yaaqobin daachiihe. Biyoo tiyiꞌi, biinnaa bi manoo Esayinochi iyoo tuneti, Araamee asho Batuꞌeelichi bushoo Labaani beeti Mesopotaamee showooch hammiye.

Halloo 31:20

Yaaqobi bi abboo Araamee asho Labaanich getaanoon dawushiꞌi kechii maxxehe.

Halloo 31:24

Aroobee xum Yeeri Araamee asho Labaanina gumona daneꞌi ishichiye: “Ne qelloon ariibe! Yaaqobich deꞌoon tuneba gondoon, ikke mooyonona wochiyaahine” iye.

Halloo 31:40

Areddoon aabee sheelloona, xumoon aqqee googgoona yexxoye; tokketee shininnolla ta aafooch aalloone.

Halloo 43:12

Ittoshi mollexxoochee daneti gijjoon daammii wochoo ittoshich qaawiibeeto bi tunetoyich, gutte kishee gijjoon yeshote. Are ittoshi mollexxoochee daneti gijjoo diqqich battoona giyito tunemmone.

Halloo 45:11

Batt gubb woyemmi uuche nati shaacoo beetoyich, hiniich ittoshi beetaa, ittoshich qaawiibeeti maayoon ta ittoshich immemmo taane. Ebi tuno qayigaata, neennaa ne kechi asheenaꞌo bullina, neecho tuneto bulliyoo shaacoona qitemmo ittoshine” itone’ getote.

Halloo 45:7

Showee toommooch ittoshich curo echemmonaa worganikkiti gommona meeti ittoshi asheenaꞌo wodemmonoyich, ittoshiyee shiichiiꞌi taan Yeeri hini showooch deejjitone.

Halloo 46:27

Yooseefi Gibitsaa bi shiyiti gutte bushiishoon daakkiꞌi, Gibits giyiti, Yaaqobi kechi asheenaꞌo haddoo shaboone.

Halloo 47:27

Israꞌeeleenaꞌo Gibitsee showooch, Gooshen koteꞌi, oogichii gaanneheete; shiijjee shiijjeree meettiyeete.

Halloo 47:4

Wotta ishichiyeete: “Kanaanee showooch giidechi shaacoo giyaa, no bageenaꞌonaa no emmisheenaꞌonoyich no maanjemmi mooyon no muccetoyich, giisheche aaboon hini showooch koteya waato noone. Andoo ne guuno no ‘Gooshen no kotemmoyich daaggibe’ iyaa qollaabeeto noone” iyeete.

Keyo 1:12

Gibitseenaꞌo Israꞌeeleenaꞌon neexxii boonoshi hajjiteenona, andoo beshoon shiijjee meettii beeheete; are showoonoo ceenniyeete. Gibitseenaꞌoo Israꞌeeleenaꞌon shattiyeete.

Keyo 1:5

Yaaqobichi shiijjereenaꞌo bulli shabeenaꞌo boonoshi tunemmona, Yooseefi shiichiꞌi Gibitsiye bi beeto.

Keyo 1:7

Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Hosee'i 12:12

Yaaqobi Sooriyee showooch aallee hammiye; Israꞌeeli mechee danoyich maddehe; mecheen danoyich bagoon qiddehe.

Hosee'i 12:13

Doono Yeeri keemechon daachiiꞌi Israꞌeelin Gibitsee kichiye. Keemechona tuneꞌinoo shiimehe.

Mishiraachechinaꞌo 7:15

Yaaqobi eboshina tookkii tiyii, Gibits hammiye; biinnaa no qaabbechinaꞌona aroochaa qitiyeete.

Yibbaatoo 1:10

Ittoshi Nuggishoo Doono Yeeri ittoshi shiijjeroon meechitone. And shimaayeexi xojjeno meetoommon meettito ittoshine.

Yibbaatoo 10:22

Ne qaabbechinaꞌo Gibits boonoshi hammito, shabe asheenaꞌo baach tuneꞌiniye. Tunebaani and ne Nuggishoo Doono Yeeri shimaayeexi xojjenoochoommon, neen meechitone” iye.

Yibbaatoo 26:4

Qeeshoo ebi mokkoon ne kishoochee deꞌiree daami, ne Nuggishoo Doono Yeerichi deejjee gudee aafooch kotiyemmone.

Yibbaatoo 7:7

“Doono Yeeri ittoshin bi shunnitonaa bi kaaccitona bare asheenaꞌoyee haddoona beshiꞌi ittoshi beetaa toonoone. Showee toommooch beeti asheenaꞌo bulliyee haddoona giishecho ittoshine.