Yibbaatoo 26:2 - Kafa Linguistics Project

² ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.

Yibbaatoo 26:2 ပူးပေါင်းရင်းမြစ်များ

2 Taateenaꞌo 4:42

Ikke areddoon ikke uro Baꞌaal Shalishee qaabbe maayoochee kachiti, hiye xekee sheqee koshonaa maayi moochoonon bi mollexxoona yechii, Yeer asho waan waahe. Elisayiyoo bi aafee bushoyich, “Boonoshi maayemmoyich, asheenaꞌoyich imbe” iye.

2 Kiinoo 31:5

Ebin bi gettimmona, bekkech Israꞌeeleenaꞌo maayoochee, woyinee uyoochee, zayitoochee, eeyonaa goyaa daneebeeti maayo bullinoochee maayi cilloon woddiiꞌi immiyeete. Boonoshich beeto bulliichee oogichii woddiiꞌi asraatoon giddiiheete.

Nehimi 12:44

Yihudi yoodee asheenaꞌo, maddeebeeti qeesheenaꞌonaa Leweenaꞌona boonoshi emiritoyich, sheeroo gettii beetoommon, qeesheenaꞌonaa Leweenaꞌonochi qoodee maayoon katemeenaꞌochi guudeexi goyoochee boonoshi deebemmoyich, gijjee wojjoo, maayi cilloonaa asraatoona koteebeeti qiicee kexinaꞌon quyemmi asheenaꞌo arooba kaacheheete.

Nehimi 13:31

taajji taajjee aabooba waabeeti shookkeyemmi michichonaa maayi cilloochonon qociiho. Ta Nuggishoocho, deꞌoon taach gabibe.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 22:29

“Ne maayoochee woyee woyinee uyoochee woyee zayitoochee buuroon yagiyaanoon taach giddiibe. “Ne gutenee bushoon taach imbe.

Keyo 23:16

“Ne budooch ne shookketi qaabbe Maayi Qecci Baaroon baaribe. “Nati ciirooch ne budeexi maayoon ne kiciyooba, Maayi Kicee Baaroon baaribe.

Keyo 23:19

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine.

Keyo 34:26

“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe. “Emmishee bushoochi meenon bi indeechi ejjoona kiijjaahine” iye.

Erimiyaasi 2:3

Israꞌeeli, Doono Yeeri taach baritine; qaabbe maayi cilloommine; aroon maato bulli xuꞌechon tunee beehe; ebich gonde mooyo bi toommooch waa beehe’ iye Doono Yeeri.”

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 44:30

Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.

Hiziqeeli 48:14

Ebi xaaꞌoo Doono Yeerich yaafeeto bi tunetoyich, boonoshiyoo aroochee kemmaayeete; shaddishoo gettaayeete; ebi showoo bulliyee beshe gaawe showoo bi tunetoyich barooch beshii immaayeete.

Leweenaꞌo 2:12

Eboshin maayi cilloon tuniiꞌi taach giddiyoon hakkiyote. Tunebaani gaawe cinnoon cinneebeeti deejjoon tuniitaa deejjee gudooch deejjeyaayeete.

Leweenaꞌo 2:14

“ ‘Qaabbe maayoochee cilloon taach ne giddiigaata, gaawee yiikkeeti maayoon giddiibe.

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

Roomi 16:5

Ebi Phirisqilinaa Aqilinochi kexooch kiceebeeti kittinnee guuphoyich ta diggiyoon getote. Isiyee showoochee Kiristoosi toommooch mulloon tooꞌiyoona qaabboo tuneti, ta shunnaabeeti Aphenexoosich ta diggiyoon getote.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

1 Qorontoosi 15:23

Tunebaani ebi bi tunemmo kaalli kaalloonane; shiichii Kiristoosi qaabboo tuneꞌi qitoochee tiyitone; ebichi hillooch wotta Kiristoosi wotteꞌi bi waahooba, biicho tunetinaꞌo tiyemminaꞌone.

1 Qorontoosi 16:2

Ta waahooba ebi gijjee buushoo bi tuneyaachemmoyich, shabaatti shabaattee batti batti aabooba, ittoshi qelli qelloona Yeeri ittoshich wojjitoommon kichiree kotiibote.

Yibbaatoo 16:10

Aroochee ne Nuggishoo Doono Yeeri neen bi diiritoommon, ne daaggoona ne giddiibeeti wojjoon giddiiree, ne Nuggishoo Doono Yeerin oogiyoona Maayi Qeci Baaroon baaribe.

Yibbaatoo 18:4

Ne maayoochee, woyinee uyoonaa zayitoonoochee maayi cilloon, wotta ne bagoochee shiichiꞌi cakketi eexon biich immemmo neene.

Yibbaatoo 26:1

Muusi Israꞌeeleenaꞌoyich ishichiye: “Ne Nuggishoo Doono Yeeri giyi ne woraashemmoyich neech bi immiibeeti showooch ne giyiyooba, giyaꞌa ne kotehooba,

Yibbaatoo 26:3

Arooba shuunee toommooch beeti, qeeshoo waan hamiree, ‘Doono Yeeri nooch imma no qaabbechinaꞌoyich wogeꞌi bi gibenikkiti showooch ta gimon hanaach ne maddeebeeti Nuggishoo Doono Yeeri aafoochaa arichiibeeto taane’ gete.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

Yaasi 18:1

Showoon kochii boonoshi yechitoyee gubb, Israꞌeeleenaꞌo bulli Shiloohi katemooch kiceeheete. Danee duukkaanoonoo arooch xogiyeete.

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.