Yibbaatoo 26:17 - Kafa Linguistics Project

¹⁷ Doono Yeeri ne Nuggishoo bi tunoon, newoo bi gommona hammemmo ne tunoon, bi qociyoon, bi getoonaa bi doyoonon quyemmo ne tunoonaa bi qaaroon waayemmo ne tunoonon hanaach getteto neene.

Yibbaatoo 26:17 ပူးပေါင်းရင်းမြစ်များ

Halloo 28:21

ta nihoo kexooch diggoona taan ne wochigaata, Doono Yeero, neech ta goyinnemmi ta Nuggishoo tunemmo neene;

2 Kiinoo 34:31

Taatoo bi beetooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Keyo 19:8

Asheenaꞌo bulli ikkittinoona, “Doono Yeeri gettito bullin tuniyemmo noone” iyeete. Ebich Muusi boonoshi gettiti mooyon wochii Doono Yeerich daammiye.

Keyo 20:19

Boonoshiyoo Muusin “Ne nooch yibbaatebe. Nowoo elle waayemmo noone. No qitaachemmoyich Yeeri nooch yibbaataye” iyeete.

Keyo 24:7

Aroochee wogee macaafoon daammii asheenaꞌoyich shemmehe; boonoshiyoo “Doono Yeeri gettito bullin tuniyemmo noone; biich deꞌa gettemmo noone” iyeete.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 44:5

Ikkoo ‘Ta, Doono Yeericho taane’ gettemmone; baroo Yaaqobichi shigoona ceekkemmone; baroo wotta ‘Doono Yeericho’ geti bi kishooch kooremmone; Israꞌeeli shigoona shigemmone” iye.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 27:10

Illa ebich ne Nuggishoo Doono Yeerichi getoon waayebe. Hanaach neech ta gettaabeeti bi getoonaa bi qociyoonon ceechi quyebe” iye.

Yibbaatoo 29:12

Hanaach hiniich ne neexeto, Doono Yeeri neenna tookkii giyiibeeti wogooch biinna tookkii gimoyich, wotta ne Nuggishoo Doono Yeerina tookkaa ne giyeti wogoon quyemmo ne tunoon getoyichiye.

Yibbaatoo 30:16

Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Yaasi 22:5

Ittoshi Nuggishoo Doono Yeerin ittoshi shunnemmoyich, bi gommo bullin ittoshi dabbemmoyich, bi getoon ittoshi ceechemmoyich, biin manjiiree ittoshi yechemmoyich, ebiyoommon ittoshi ceeni mulloonaa ittoshi ceeni kashoona biich ittoshi maddemmoyich, Doono Yeeri guuno Muusi ittoshich bi gettiti getoonaa sheeroonon quyoyich, ittoshi qelloon ariibote” iye.

Yaasi 24:22

Aroochee Yaasi “Illa Doono Yeerich goyinne maddeya goommii ittoshi kaacon ittoshi toommooch miixoo ittoshine” iye. Boonoshiyoo “Eeha, miixoo noone” iyeete.