Yibbaatoo 26:15 - Kafa Linguistics Project

¹⁵ Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.

Yibbaatoo 26:15 ပူးပေါင်းရင်းမြစ်များ

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Taateenaꞌo 8:43

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

2 Kiinoo 30:27

Aroochee qeesheenaꞌonaa Leweenaꞌona tiyiꞌi, asheenaꞌon diiriyeete. Doono Yeeriyoo waayehe. Boonoshi corooto shimaayooch, Doono Yeeri beeyi xaaꞌooch shaggiye.

Shoddo 28:9

Ne asheenaꞌon wodiibe; ne iristeenaꞌon diiribe; boonoshich qiddoon tunebe; bulli yemeenoon boonoshin shiimebe.

Shoddo 51:18

Ne daaggoona Tsiyoonich gaawe mooyon tuniibe; Yerusaalemi xaqqee uxeroon wochinnoon uxerebe.

Shoddo 68:5

Yaafeeti bi xaaꞌooch beeti Yeeri, nihaalleenaꞌoyich nihoone; xuumeenaꞌoyich shaxoone.

Shoddo 80:14

Beshe Mawe Nuggishoocho, wochinnoon no waan wottebe; shimaayoochaa dugilla ciine; ebi woyinee qomboon quyebe.

Shoddo 80:15

Ebi, ne qanne kishoona ne bechiti, bi diccemmoyichoo ne tuniiti woyinee qomboone.

Shoddo 90:17

No Doono, no Nuggishoocho, ne ariqqo no toommooch tunebe; no shuunoon nooch kaachibe; eeha, no shuunoon nooch kaachibe.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Mishiraachechinaꞌo 7:49

‘Doono Yeeri “Shimaayoo ta taatee qeenone; showoo ta baatoo neexxemmi xaaꞌoone; taach am shaahe kexoniye ittoshi haggemmo? Ta kashemmi xaaꞌochi, amoommone?

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 26:14

Eeppaa muushenaꞌa ta kotehooba aroochee maataano taane. Ta eeꞌehooba ebi aroochee amoonolla ta kexoochee kichaano taane; qititi ashichoo buuroon giddiyaano taane. Ta Nuggishoo Doono Yeeri ne qaaroon waayeto taane. Taach ne getteto bullin ceechito taane.

Yibbaatoo 26:7

Aroochee no qaabbechinaꞌochi Nuggishoo Doono Yeer waan cookiyone. Doono Yeeriyoo no qolloon waayehe; biyoo no xuuxoon, no aayonaa no xukkeyoonon beeggiye.

Yibbaatoo 26:9

hini xaaꞌoochoo noon deebiye; ejjoonaa eeyona xuupphiibeeti hini showoonoo nooch immiye.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.