Yibbaatoo 26:11 - Kafa Linguistics Project

¹¹ Aroochee ne, Lewee asheenaꞌonaa ne waan waa koteti shiqqeenaꞌona ne Nuggishoo Doono Yeeri neennaa ne kechi asheenaꞌonoyich bi immiti gaawe mooyoyich emiremmo ittoshine” iye.

Yibbaatoo 26:11 ပူးပေါင်းရင်းမြစ်များ

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Dojjecho 3:12

Kashoona beechii emiroonaa gaawe mooyon tuniyoonoyee beshe gaawe mooyo ashich aallo bi tunoon ariiho.

Dojjecho 3:13

Ebi geto, mamo, uyo, bi aajjitonoo emiroo getone; ebi bulli Yeeri nooch immiti wojjoone.

Dojjecho 5:18

Ta beeggeti beshe gaawe mooyo bi beegaata, asho hini showee toommoochaa Yeeri biich immiti qamini bi kashee yemeeno bulliich mamo, uyonaa bi aajjitona emiroonane; bi qoodoo ebine.

Dojjecho 7:14

Yemeeno gaawehooba emiribe; yemeeno gondehooboo gaawichi gabibe; hininoo ohinoo tuniito Yeerine; ebich asho gubb tunemmi mooyo amoonolla ariyoon hakkaache.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

1 Qorontoosi 9:11

Illa andire kashee qaaree yaroon ittoshi daggooch no shookketoyee, ittoshi waanee wotta no beemoyich tunemmi mooyon no danegaata, tateyaani mooyone?

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 27:7

Ebi aroochaa ikkittinee deejjoon deejjiree, mame. Ne Nuggishoo Doono Yeeri aafoochaanoo emiribe.

Yibbaatoo 28:47

Ne Nuggishoo Doono Yeeri bulli gommona beemo neech mashaamemmoyich tuniitone; tunebaani ne, oogichaa emiraabee biich goyinnaa maddaano neene.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!