Yibbaatoo 25:2 - Kafa Linguistics Project

² Xuqqiti uro xoobbeya bedo bi tunegaata, nallecho ciini beetaa showooch guuferee bi qeyemmon tuniichaa, arengoona xooppebe. Bi xooppeyemmi haddoo bi shuuneti gondoona tato tunebe.

Yibbaatoo 25:2 ပူးပေါင်းရင်းမြစ်များ

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Shaahiyoo 19:29

Cooqqirechinaꞌo toommooch nalloo, yeexereenaꞌo gubboyichoo quddoo, qannitone.

Maatiyoosi 10:17

Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 27:26

Arooba Phelaaxoosi Barbaanin biichiichii Yesuusin arengoona bi xoobbiitoyee gubb, bi yooddeyemmoyich beshii immiye.

Mishiraachechinaꞌo 23:3

Arooba Phawuloosi “Hini booroona dikkeeti duuhocho, Yeeri neen yexaanoon qayaachemmone; kaachi nalliya kotaꞌa tiyaa, ‘Yexote’ iyaꞌa aabichaa nalloon shaaddenne?” iye.

Mishiraachechinaꞌo 5:40

aree hillooch mishiraachechinaꞌon boonoshi waan ceekkiiꞌi, arengoona xoobbiyeete. “Yesuusichi shigoona guttinnoon yibbaateyaahote” iꞌi gawukkiyeete.

1 Pheexiroosi 2:20

Ittoshi shuuneti axaaxoyich yexxeebee ittoshi haaꞌiigaata, amee naadoon danehote? Tunebaani gaawe mooyon shuuneechii xuuxoon beeggiibee ittoshi haaꞌiigaata, ebi mooyo Yeeri aafoochaa ittoshin galletiyemmone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.