Yibbaatoo 25:19 - Kafa Linguistics Project

¹⁹ Ebich ne Nuggishoo Doono Yeeri giyi ne woraashemmoyich neech bi immiibeeti showee guudoona beeti ne etteenaꞌo waanee neen bi kashiihooba, shimaayoyee desh beeti, Amaleeqeenaꞌo shalligeyemmi mooyo bullin hidi aalliibe. Ebin ciroona batteyaahine” iye.

Yibbaatoo 25:19 ပူးပေါင်းရင်းမြစ်များ

1 Kiinoo 4:43

Arooch hammiꞌi, muriccii woditi Amaleeqeenaꞌon wuxiichii and beddaahaa arooch koteheete.

Asteeri 3:1

Ebi mooyo tunetoyee gubb, taatoo Yekisesi Agaagi yaroochee tuneti Hamedaati bushoo Hamaanin oogiihe; bare iraasheenaꞌo bulliyee beshoon tuniiꞌi iraashiihe.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Keyo 17:14

Ebiyee gubb, Doono Yeeri Muusin “Ebi mooyo bulli aaboon shalligee bi beeyemmoyich, macaafooch kooribe. Showee toommooch beeti asho koniyoona Amaleeqeenaꞌochi shigoon bi shalligaachemmoyich, boonoshin ciroona hidi aalliyemmo ta tunoon Yaasich waayiiree shemmebe” iye.

Keyo 17:16

Biyoo “Doono Yeerichi baanderoon kaama tiijji yeshote. Doono Yeeri Amaleeqeenaꞌon shiijjeroochee shiijjerooch beddaahaa kochemmone” iye.

Keyo 33:14

Doono Yeeriyoo “Ta neenna tookki hammemmo taane; neenoo kashiyemmo taane” iye.

Yibbaatoo 21:23

ebi dubenoon arooch qeejjaanoon arooba duuhe. Ebiyoo mixooch yooddeto Yeerina uppeto bi tunetoyichiye. Ne Nuggishoo Doono Yeeri ne woraashemmoyich neech bi immiibeeti showoon ne eeꞌiyaachemmoyich arooba duuhe” iye.

Yibbaatoo 26:1

Muusi Israꞌeeleenaꞌoyich ishichiye: “Ne Nuggishoo Doono Yeeri giyi ne woraashemmoyich neech bi immiibeeti showooch ne giyiyooba, giyaꞌa ne kotehooba,

Yibbaatoo 3:18

“Ebi arooba Roobeelinaa Gaadinochi yoodeenaꞌoyich, Minaasi yoodoochee qatinaꞌonoyichoo ishichaa getteho: ‘No Nuggishoo Doono Yeeri hini showoon ittoshi hajjoo tuniiꞌi immitone. Meeti gijjeenaꞌo ittoshich beemon ariibeeto taane; ittoshi mecheenaꞌonaa bushiisheenaꞌona ebi gijjeenaꞌona tookki hini ittoshich ta immeti katemeenaꞌooch beebeete. Illa and ginee anaamo tuneti ittoshi asheenaꞌo ginee qiicoon cuyeree, ittoshi maneenaꞌo tuneti Israꞌeeleenaꞌoyee aaf shiichi, Yoordaanoosin kimiree boonoshi hammemmoyich tuniibote.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaasi 23:1

Meeti yemeeno beshetoyee gubb, Doono Yeeri Israꞌeeleenaꞌon boonoshi guudoona beeti etteenaꞌo bulli kishoochee bi kashiitoyee gubb, Yaasi oogeton geenee baayehe.

Yaasi 6:3

Katemoon neennaa ne ginee naayinaꞌona heeyooch ikke wottoon guudote; eechibee shiritte qemon tuniibote.

Yaasi 7:12

Israꞌeeleenaꞌo boonoshi etteenaꞌon koyoon boonoshi mawiito, ebichiye. Gubb wottee boonoshi woceto, aallo boonoshi toommooch bi nalleetoyichiye. Timeeti mooyon ittoshi daggoochee aalliyoo ittoshi qayigaata, ebiyee bekk ittoshina tookki tuneyaachemmo taane.

1 Saameeli 14:48

Biyoo ginee anaamo tunee koyeꞌi, Amaleeqeenaꞌon kochii wochiye. Boonoshin kochii, boggii beetinaꞌo kishoochee Israꞌeeleenaꞌon wodiihe.

1 Saameeli 27:8

Daawitinaa bi asheenaꞌona kechiꞌi Geshuureenaꞌon, Gerizeenaꞌonaa Amaleeqeenaꞌonon kochii beeheete. Ebi asheenaꞌo Xeleemee tiijjiꞌi, Shuurinaa Gibitsinooch beddaahaa beeti asheenaꞌone.