Yibbaatoo 25:1 - Kafa Linguistics Project

¹ “Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.

Yibbaatoo 25:1 ပူးပေါင်းရင်းမြစ်များ

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

1 Taateenaꞌo 8:32

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

Keyo 22:9

Ikke asho gattoon woyee kuroon woyee bagoon woyee emmishoon woyee tahoon woyee aalleti amee mooyonona hajjiꞌi bi beetaa, taachone iti asho danegaata, gutteenaꞌo boonoshi mooyon nallechinaꞌo waan giddiibeete. Xoobbito nallechinaꞌo aafoochaa gijjechoyich gutte kishoon tuniiree qoce.

Shaahiyoo 17:15

Gonde ashoon xallii beetonaa cadiqoon gondii beetona, guttiyona Doono Yeeri aafoochaa ciigeetinaꞌone.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Erimiyaasi 21:12

Daawitichi yareenaꞌote, Doono Yeeri ishichiye: Ittoshi shuunee gondoyich ta kaaro qaaqqoochoommon bi hafaachemmoyich, koniyoona takkoon mawiimmi wottoon bi aaxxeyaachemmoyich, maaddoona nalloon tachibote; xukketi ashoon xuqqiibeeto kishoochee wodibote.

Shoosho 3:35

Beshoo Yeeri aafoochaa ashi aalloo (gooroo) bokkegaata,

Shoosho 3:36

ashi nalloo xummegaata, Doono ebiyoommi mooyon beegaachehe?

Hiziqeeli 44:24

Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.

Imbaaqoomi 1:13

Gonde mooyon bi ciinaachemmoyich, ne aafo yaafoone; gonde mooyon ciinnaabee cikkii qayaachine. Ishigaata, ebi dawushechinaꞌon ciinnaabee aabichaꞌa cikkii qajjenne? Gonde asheenaꞌo boonoshiyee beshe kaame asheenaꞌon boonoshi aallii beetaa aabichaꞌa cikkii qajjenne?

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Maatiyoosi 3:10

Andoo asho gonde mixon cammona waaxxii bi aalliyoommon, Yeeri biich deꞌa getaaneenaꞌon waaxiree aalliiya qannitone. Illa asho deꞌe aafoon aafeyaani mixo bullin kuxxiꞌi qaaqqee daggooch bi dufoommon, Yeeriyoo boonoshin ebiyoommon duppemmone.

Yibbaatoo 17:11

Boonoshi nalloonaa yibbaatee kuxxiꞌi neech boonoshi gettiti mooyonon tuniibe. Boonoshi nallii kuxxiti mooyoochee qanna yoocha gettaahine.

Yibbaatoo 24:22

Gibits guunon tunaꞌa ne beemon batteyaahine. Ebin ne tuniyemmoyich ta getteto ebichiye.