Yibbaatoo 24:17 - Kafa Linguistics Project

¹⁷ “Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 24:17 ပူးပေါင်းရင်းမြစ်များ

Iyoobi 22:6

Ikke naboo aalloon, ne maneenaꞌo waanee yechiyoo deqqeto neene; boonoshi tahoon shoottaꞌa shokko echiito neene.

Iyoobi 24:3

Nihaalleenaꞌochi kuroon gashee daammiyeete; xuumeenaꞌochi gattoon yechiyoo deqqiyeete.

Keyo 22:20

“Doono Yeeri tayee bare nuggishoyich deejjoon deejjiibeeto koniyoona wuxaa aallebe.

Keyo 23:2

“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Keyo 23:6

“Nallee gabberoochaa dayinnetoon dabiiree, girecho mooyon xummiyaahine.

Keyo 23:9

“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.

Shaahiyoo 31:5

uyiree sheeroon battemminaꞌone; xukketinaꞌoyich dayinnetoon bajjemminaꞌone.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 3:15

Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Leweenaꞌo 19:33

“ ‘Shiqqoo ittoshina tookkii, ittoshi showooch bi kotegaata, biin xuqqaahote.

Mikiyaasi 7:3

Boonoshi kishoo gonde mooyon tuniyoon doyitone; ukkireenaꞌonaa nallechinaꞌona xuccoon maaheete; gijjechi asheenaꞌo boonoshi qaawiton gettii waayiiheete; ebina ikkotteꞌi koceeheete.

Zakaariyaasi 7:10

Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Luqaasi 3:14

Ginee naayinaꞌo wotta “Nowochi amoon hallibona?” iꞌi echeheete. Yowannisiyoo “Bokkoochoommon guufichiree ashoon boggaahote; kootoon taggeree ashoon xuqqaahote; ittoshich icheebeeti shumaayoo ittoshich beddiye” iye.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 24:13

Ebi tahoon tahe bi qeyemmoyich, xumi xumoon biich wochibe. Ebina neen galletemmone; ne Nuggishoo Doono Yeeri aafoochaanoo cadiqee shuunoo tuneree neech haddeyemmone.

Yibbaatoo 24:18

Gibits guunon tunaꞌa ne beemonaa ne Nuggishoo Doono Yeeri aroochee neen biisheꞌi bi kichoonon batteyaahine. Ebin ne tuniyemmoyich ta getteto ebichiye.

Yibbaatoo 24:6

“Asho koniyoona yiikke xaqqoon woyee xaqqee maanoon yechiyoo tuniiree deqqaaye. Ebi ashi kashoon yechiyoo tuniiꞌi deꞌoommone.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?