Yibbaatoo 24:15 - Kafa Linguistics Project

¹⁵ Bi shuunee gatiyoon aabi gimoyee shiichiree qemi qemona imbe. Girecho bi tunetoyich, are gijjoon kupphiiꞌi qaawii beetone. Ebi gijjoon qoco ne qayigaata, Doono Yeer waan bi cookaa, ne toommooch axaaxoon tuniitaa haddeyemmone.

Yibbaatoo 24:15 ပူးပေါင်းရင်းမြစ်များ

Iyoobi 31:13

“Ta guuno woyee ta gonnee ta waan waaꞌa cookaa, boonoshi cookoon waayeyaano ta tunegaata,

Iyoobi 31:38

“Ta showoo ta toommooch eeppito bi tunegaata, gocheeti budo ikkotteꞌi eefeto bi tunegaata,

Iyoobi 34:28

Girechinaꞌon xuꞌona Yeeri aafooch boonoshi cookemmoyich tuniiheete; biyoo boonoshi cookoon waayehe.

Iyoobi 35:9

“Neexaa boonoshi hajjeetoyich asheenaꞌo cookiyeete; giidechinaꞌo kishoochee keyoyich ‘Abeeta’ iyeete.

Iyoobi 7:2

Boonoshiyoo gaawe yiiroon qaawiibeeti guunoomminaꞌo, bi shuunee gatiyoon deqqa quyeebeeti gichechoomminaꞌo, tooneenaꞌone?

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 25:1

Doono Yeero, ta qolloon ne waan bechiyoye.

Shoddo 86:4

Ta kashe neen dego tuniitine; ta Doonocho, ne guunochi kasheen emirikkibe.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Erimiyaasi 22:13

“Bi kexon xuꞌoona, kechi toommeexi bi kexonoo hukkoona, haggii beetoyich, biinoommi bi manoon duuboon shuunii beetoyich, bi aayi gatiyoonoo biich qocaanoyich,

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 25:35

“ ‘Israꞌeelee asho tuneti ikke ne manoo gireꞌi bi qelloon hakkoo bi qayigaata, ne daggooch beeti iibboon woyee shiqqoon ne gaachoommon biin ne gaachetaa ne katinooch beebe;

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 20:8

“Showoo xumetaa woyinee doono bi ukkiriiton ‘Shuunechinaꞌon ceegiree ciirooch waatinaꞌoochee tiijjiree shiichii waatinaꞌooch beddaahaa boonoshi shumaayoon imbe’ iye.

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Yibbaatoo 15:9

‘Hiishoo maareebeeti shabaattinnee nato katinnitone’ geti gabiree, girechi ne manoochi toommooch ne aafoon ne gondiyaachemmoyich, ebiyoommi gonde gaboo ne mullooch bi beetaachemmoyich, amoonolla biich ne bayaachemmoyich ne qelloon ariibe! Ebin ne tuniigaata, Doono Yeer waan bi cookaa, ne toommooch axaaxoon tuneree haddeyemmone.

1 Ximootiyoosi 5:18

Ebi mooyoyich Yaafe Macaafoochaa “Maayoon buchiibeeti gattoochi noonoon cuchaaye” getteetone; wotta “Shuunecho bi shuuneti shuunoyich shumaayoon dan beddiye” getteetone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.