Yibbaatoo 23:7 - Kafa Linguistics Project

⁷ “Ne manoo bi tunetoyich, Edoomee ashoon ciigeyaahine. Iibboo tunaꞌa bi showooch ne kotetoyich, Gibitsee ashoonoo ciigeyaahine.

Yibbaatoo 23:7 ပူးပေါင်းရင်းမြစ်များ

Halloo 25:30

Esayi Yaaqobin “Oogeton shaacaa maraateto taane. Kaateree ebi ne shuuneti ceelle woxoochee taach ne imaa mamona” iye. Ebich bi shigo wotta, Edoomi getteehe.

Halloo 46:7

Yaaqobi Gibits bi kindito, bi shiijjereenaꞌo bullin, eboshiyoo bi anaami bushiishoonaa bi maache bushiishoonon, bi anaami bushiishoochi anaami bushiishoonaa maache bushiishoonon yechiꞌiniye.

Halloo 47:12

Yooseefiyoo bi nihoyich, bi maneenaꞌonaa bi nihoo kechi asheenaꞌo bullinoyich, boonoshi bushiishoochi haddoona boonoshi maayemmi maayo ichemmoyich tuniihe.

Halloo 47:27

Israꞌeeleenaꞌo Gibitsee showooch, Gooshen koteꞌi, oogichii gaanneheete; shiijjee shiijjeree meettiyeete.

Halloo 47:6

Gibitsee showoo bulli ne kishoochiye. Bulliyee beshiti gaawe showoon ciiniree, ne nihoonaa ne maneenaꞌonon arooch kotiibe. Gooshen beebeete. Boonoshi daggoochee bariti ariyechinaꞌo boonoshi tunoon ne arii beetinaꞌo beegaata, areenaꞌon ta miinji qiddeenaꞌo toommooch ukkiriibe” iye.

1 Taateenaꞌo 11:25

Hadaadi deebiti iritoyee baroo, Rezooni Solomooni kashoona beeti yemeeno bulliich Israꞌeeleenaꞌochi etto tunehe. Sooriyee showooch taatehe; Israꞌeeleenaꞌonoo tiyaarehe.

Shoddo 105:23

Israꞌeeli Gibitsee showooch hammiye; Yaaqobiyoo Kaamee showooch iibboo tunehe.

Keyo 22:21

“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.

Keyo 23:9

“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Haddoo 20:14

Muusi Qadeeshee ishichiꞌi wocheyechinaꞌon Edoomee taatoo waan daachiihe: “Ne manoo Israꞌeeli ishichii beetone: ‘No toommooch shaggiti iritoo bullin ariibeeto neene.

Yibbaatoo 10:19

Illa ebich shiqqoon shunote. Ittoshiyoo ebiyee aaf Gibits shiqqoo tuneꞌi beebee echeto ittoshine.

Yibbaatoo 23:8

Keejjinnee shiijjeroonaa aroyee gubb beeti shiijjeroona tuneti boonoshi yaroo Doono Yeer asheenaꞌochi ikkittinee daggooch gibe” iye.