Yibbaatoo 23:5 - Kafa Linguistics Project

⁵ Tunebaani ne Nuggishoo Doono Yeeri Balaamichi getoon waayemmon qajjiye; neen bi shunnitoyich, ebi ufon diirooch wochiye.

Yibbaatoo 23:5 ပူးပေါင်းရင်းမြစ်များ

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

Nehimi 13:2

Ebiyoo Israꞌeeleenaꞌoyich koshonaa aaconon giddiyoo boonoshi qajjitoyich, wotta boonoshin bi uppemmoyich Balaamin gijjoona boonoshi kemetoyichiye; tunebaani no Nuggishoo ufon diiroona shaddiye.

Shoddo 73:1

Boonoshi mullo xalloo tuneti Israꞌeeleenaꞌoyich, iberoochaa Yeeri gaawetone.

Shaahiyoo 26:2

Yoobbii okk hach capheebeeti kafeenaꞌochoommon, naboo aalloon uppeebeeti ufo ashoon yeshaache.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Mikiyaasi 6:5

Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Haddoo 22:35

Doono Yeerichi maraakoo biich ishichiye: “Hamon boonoshina tookki hambe. Tunebaani ne gettemmo, ta gettemmi qaaroon baachiye” iye. Ebina Balaami asheenaꞌona tookkii hammiye.

Haddoo 22:5

Amawee showooch, Efiraaxisi aachi gashooch, Fetoori katemooch beeti Beꞌoori bushoo Balaamich ishichi boonoshi gettemmoyich, wocheyechinaꞌon daachiihe. Biyoo ishichiye: “Ebiyoche boonoshi meetoochee tiyitona showee aafoon guuppiti asheenaꞌo Gibitsee kechii waaꞌi, ta katinooch kotetinaꞌone.

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Roomi 9:13

Ebiyoo “Yaaqobin shunnoye; tunebaani Esayin shixxoye” getaa bi kooreetoommoniye.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Yibbaatoo 33:3

Iberoon Doono Yeeri bi asheenaꞌon shunnii beetone; biich yaafeetinaꞌo bulli bi kishoochiye boonoshi beeto; boonoshiyoo bi baatooch goyinneheete; bi getoonoo waayeheete.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Yaasi 24:10

Tunebaani Balaami ittoshin bi uppemmoyich daaggaano taane; ebich wochii wochiꞌi ittoshin diiriye; ebina tawoo Balaaqi kishoochee ittoshin wodiihoye.