Yibbaatoo 23:21 - Kafa Linguistics Project

²¹ “Ne Nuggishoo Doono Yeerich ne mookkegaata, ne Nuggishoo Doono Yeeri ebin ne waanee qaawiibeeto bi tunetoyich, ne mookketon ceechaanoon yagiyaahine. Ne ceechoo qayigaata, ebi neech axaaxoon tunemmone.

Yibbaatoo 23:21 ပူးပေါင်းရင်းမြစ်များ

Halloo 28:20

Arooba Yaaqobi ishichii mookkehe: “Yeero, taanna tookkaa ne tunegaata, ta hammaabeeti gommooch taan ne quyegaata, ta maayemmi maayoon, ta tahemmi tahoonoo taach ne imigaata,

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 116:18

Bi asho bulli aafoochaa ta tiikkeshoon Doono Yeerich giddiyemmo taane.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 56:12

Yeero, neech ta mookketi mookko beetone; ta galletee deejjoon neech deejjemmo taane.

Shoddo 61:8

Ebich, bulli aaboon ne shigoyich, galletee shoddoon shoddemmo taane; ta tiikkeshoonoo qemi qemona ceechemmo taane.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Keyo 22:24

Ta kaaree shiixxoon kindiiree, goraadoona ittoshi qitemmoyich tuniyemmo taane; ittoshi mecheenaꞌo xuumeenaꞌo, ittoshi bushiisheenaꞌoo nihaalleenaꞌo tunemminaꞌone.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Yoonaasi 1:16

Ebina markabechinaꞌo Doono Yeerin oogichiꞌi shattiyeete; Doono Yeerichoo deejjoon deejjiyeete; biichoo mookkeheete.

Yoonaasi 2:9

Tunebaani ta, neen shoddoona galletebee, neech deejjoon giddiyemmo taane; neech ta mookketi mookkoonoo ceechemmo taane. Wodoo waabeeto, Doono Yeeri ne waaneeniye” iye.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Maatiyoosi 5:33

“Wotta ebiyee aaf beeti no qaabbechinaꞌoyich ‘Wogaꞌa Yeerich ne mookketon ceechiballi shappiiyaahine’ getteeton waayeto ittoshine.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yibbaatoo 15:3

Shiqqoo ne waanee eretteton echoon hakkihine. Tunebaani Israꞌeelee asho tuneti ne manoo ne waanee eretteti hiishoo bullin qaye.

Yibbaatoo 23:18

Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

Yibbaatoo 23:22

Doono Yeerich mookkee qayo axaaxoo toonoone.

1 Saameeli 20:16

Yonaataaniyoo “Daawiti etteenaꞌo toommooch Doono Yeeri nallibe” iꞌi Daawiti kechi asheenaꞌona tookkii wogoon giyiye.