Yibbaatoo 23:20 - Kafa Linguistics Project

²⁰ Israꞌeelo tuneyaani asho waanee shimon deꞌon hakkihine. Tunebaani giyi woraashiya ne hammaabeeti showoochaa, ne shuunaabeeti mooyo bullina ne Nuggishoo Doono Yeeri neen bi diiremmoyich, ne manoyich koyitiyaahine.

Yibbaatoo 23:20 ပူးပေါင်းရင်းမြစ်များ

Nehimi 5:7

Ta mulloona kichaa ta kindiitoyee gubb, ogoogeenaꞌonaa ukkireenaꞌonon “Ittoshi ikkikkoona aabichiꞌi ittoshi xibeenaꞌo waanee erettoochee shimon deqqiyote?” iyaꞌa ittibateho; ebi mooyoyich dofee asheenaꞌon ceeggaꞌa iitoon kiciyo.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 22:24

Ta kaaree shiixxoon kindiiree, goraadoona ittoshi qitemmoyich tuniyemmo taane; ittoshi mecheenaꞌo xuumeenaꞌo, ittoshi bushiisheenaꞌoo nihaalleenaꞌo tunemminaꞌone.

Keyo 22:25

“Ta asheenaꞌo daggoochee amolla boonoshich aalli iriteetinaꞌoyich gijjoon ittoshi erettiigaata, koyitiyechochoommon shimon echeyaahote.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 24:2

Asho bullichi ixoo ikke shaahoo tunemmone; asheenaꞌonaa qeesheenaꞌona, guuninaꞌonaa dooninaꞌona, gonneenaꞌonaa genneenaꞌona, kemee beetinaꞌonaa kemmii beetinaꞌona, erettii beetinaꞌonaa erettee beetinaꞌona, hiishechinaꞌonaa hiishee qochiyechinaꞌona, bulliyona ikke shaahoon tunemminaꞌone.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Leweenaꞌo 25:36

bi waanee shimon woyee daakkoon qaawiyaahine. Ne Nuggishoon shate. Ne katinooch bi beeyemmoyich tuniibe.

Luqaasi 14:14

Eboshi aree keroon wochoo hakkaaneenaꞌo boonoshi tunetoyich, Yeeri neen diiremmone; wotta cadiqeenaꞌo qitoochee boonoshi tiyiyooba, Yeeri neech ebichi keroon wochemmone” iye.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

Yibbaatoo 15:10

Ne kishoon maggii, mulloochee tiijjiree biich imbe. Ebina Doono Yeeri ne kishoona ne shuuneti mooyo bullina neen diiremmone.

Yibbaatoo 15:3

Shiqqoo ne waanee eretteton echoon hakkihine. Tunebaani Israꞌeelee asho tuneti ne manoo ne waanee eretteti hiishoo bullin qaye.

Yibbaatoo 28:12

“Doono Yeeri shimaayeexi bi goonoochee amiyon yarimmoona ne showooch dichiree, ne kishoona ne shuuneto bullin diiremmone. Ebich meeti aageteenaꞌoyich erettiyemmo neene; tunebaani ne, koni waaneenona eretteyaachemmo neene.